لو صار لج هالموقف شو بتسوين ؟؟ رعاية الاطفال

هلا خواتي
مساكم الله بالخير
حبيت كل وحدة تجاوب بكل صراحة
اذا انتي يبتي ياهل و سميتيه ع ذوقج و يوا اهل ريلج ينغزون ليش
ما سميتي ع اسم ابو ريلج و لا ام ريلج !!!!
بصراحة تصرف يقهر و وايد يقهر بعد ، بس حبيت اعرف التصرف اللازم

أنا ماخذه قاعده في حياتي …. أي شي مايعيبني أسويله طاف خاصه اذا اللي جدامي يرمس جد أو ينغز
أما اذا سوالف عادي بكملها وبمزح وياهم …. وأوقات ردة فعلي يتحكم بها مودي خخخخخ
بس ما اتم أقهر في نفسي لأنه مافيه شي يستاهل وهذي حريه شخصيه

لأني من النوع اللي ما أحب حد يدخل في حياتي لو في شي بسيط

موفقه ان شاء الله خيتو

بس كلامهم وايد يجرح
هذا ولدج و لا بنتج انتي اللي تعبانه فيه و شفتي الويل لين ربيتي من وحام و ارف و غيره
و لمن تسمينه ع ذوقج و بقناعة ريلج يون و بدال ما يفرحونج بكلمة طيبه يدمرونج انتي ليش ما سميتي ع اسم عمج و عمتج !!!! خير ان شا الله لايكون اساميهم مقدسه ؟؟ و فرض عليج تسمين ع امه و يدته !!
اريد اعرف شو بتردين عليهم حزتها ؟؟ عشان ما يتدخلون في خصوصياتج مرة ثانيه

ماله داعي يتدخلون اصلا …. بس اذا صار ومثل ماتقولين كلامهم يجرح وانتي ف هالفتره محتايه الكلمه اللي تخفف ماتزيد مابسكت وبرد عليهم بنفس اسلوبهم وبقول لهم اهم شي انه الاسم عايبني انا وريلي ومقتنعين فيه ولا بضايج ف عمري وبسويلهم اكبر طاااف
انتي اللي تتعبين وانتي اللي تسمين

والله يهديهم … ناس فاضيه

وأوقات في تجمعات الأهل وشفت موقف ماعيبني أو حد تدخل في خصوصيات الثاني أبين انه هالشي مايعيني عسب لايفكر الشخص اللي يدخل في خصوصيات الغير يدخل ف خصوصياتي ….. في أنا أحط حد للكل واني ما أحب كذا وكذا

بيني وجهة نظرج وان شاء الله أمورج تمام

أنا صار معي هذا الموقف لكن رديت بالصدق أنا شفت أسم ولدي بحلم وعلى أسم الرسول خير من كل الأسماء

أنت خبريهم أسم الأنسان مكتوب باللوح المحفوظ منذ الأذل ونحن مجرب أداة للتنفيذ

وبعدها بيرضوا بلآمر الواقع

أنا صار معي هذا الموقف لكن رديت بالصدق أنا شفت أسم ولدي بحلم وعلى أسم الرسول خير من كل الأسماء

أنت خبريهم أسم الأنسان مكتوب باللوح المحفوظ منذ الأذل ونحن مجرد أداة للتنفيذ

وبعدها بيرضوا بلآمر الواقع