للعلم اول مرة اييون بيتنا العزيمة يوم الجمعة ان شاء الله
ابغي اسوي القائمة واشتري المطلوب واجهز عمري
ابغي منيو المقبلات والسلطات
والاطباق الرئيسية
الحلويات
والعصائر
واي فكرة سويتها للعزيمة واستانس عليج ريلج
اترياكم اتساعدوني 
و سوي كريم كراميل و جلي و حلويات جيه وايد بتخفين الشغل عليج اذا طلبتي عيش و لحم من برع و احس عيش و لحم يبيض الويه جدام العرب و شووووووووووو بعد؟؟؟؟؟؟؟؟؟؟؟؟؟
هيه لا تنسي القهوة و الجاي و الكرك و يوم بتسوين جاي اشتري نعناع طازج و غسليه و حطي عند الجاي حلووووووووو ويا الجاي يعني الي يبا يشرب جاي مع نعناع يحطي النعناع و يصب الجاي عليه
اول شي كم عددهم عسبب تتفننين على حسب العدد
اطلبي ذبيحة ويا عيش من مطعم
سوي روب ويا خيار سلطة روب وحطي فيها طماط ويا بصل ابيض و شوي فلفل احمر او اخضر
وعقب جي سوي فطاير وسمبوسه
العصاير
اترمين تسوين ميلك شيك وكوتكيل ويا بيبسي وسفن اب شكلي الجلاصات ويا حركات نفس الكافيه
الفوالة سوي منها سلطة فوالة وقصصي اليح والاناناس اشكال عسب يكون شكلة حلو
سوي بسبوسه و خنفروش و قهوة وشاي و زعتربحليب
وسلامتج ولو حابه اي وصفة حاضرين
كبب ومحاشي وفريكة بلحمةوعش البلبل ولحم بعجين بالاضافة الى المقبلات والفتوش والتبولة والمتبل الخيار بلبن
والبرك بجبنة وورق عنب بالزيت (يلنجي) كبة نية ومحمرة
والعصاير التمر هندي والسوس
والحلويات جميع الحلويات العربية من وربات بالقشطة وبالفستق…………
الرز بحليب والهيطلية
تقبلي مروري
أختك أم بشر
المشاركة الأصلية كتبت بواسطة little lulu 
و سوي كريم كراميل و جلي و حلويات جيه وايد بتخفين الشغل عليج اذا طلبتي عيش و لحم من برع و احس عيش و لحم يبيض الويه جدام العرب و شووووووووووو بعد؟؟؟؟؟؟؟؟؟؟؟؟؟
هيه لا تنسي القهوة و الجاي و الكرك و يوم بتسوين جاي اشتري نعناع طازج و غسليه و حطي عند الجاي حلووووووووو ويا الجاي يعني الي يبا يشرب جاي مع نعناع يحطي النعناع و يصب الجاي عليه
تقريبا نفس اللي في بالي بس بنسوي غوزي
والسلطات سلطة جرجير وسلطة خضرا على طريقتي
وورق عنب وبشاميل وثريد دياي
افكر اخذ فطاير جاهزة
واسوي كريم كراميل واي حلى بارد وكيك او بسبوسه
ولبعد العشاء شاي نعناع وشاي كرك فكرة حلوة
وشو بعد هاللي في بالي شو رايكم