لكل من تعاني من تساقط الشعر -ـ- حياج معانا في القروب لبشرة فاتحة

شحالكن بنوتات وشخباركن؟؟ ان شاء الله بخييير

وااايد واايد مواضيع في القسم عن تساقط الشعر والكل يشتكي

من شعره

وطرحت هالموضوع عشان نتشارك فيه بخبراتنا وتجاربنا وكل وحده تشجع الثانيه ^^

يلا بنوتات وحريمات خلونا نبدا نعرف اسباب المشكلة وأفضل الحلول لها باذن الله ^^

تساقط الشعر مشكلة منتشرة,, بس أسبابها مختلفة

معظمها تكون داخليه مثل:

* فقر الدم

* نقص أو زيادة افراز الغدة الدرقية

* اضطراب في الهرمونات

* الحمل والولادة

* الحمية الغذائية

* التوتر والقلق

* العامل الوراثي

والبعض الآخر يكون خارجي مثل:

* الافراط في استخدام مجفف الشعر وآلات الفرد

* الصبغات

* ربط الشعر وشدة بقوة

* الاكثار من غسل الشعر بالشامبو

طبعاً هاي مب كل الاسباب ولكن أهمها,, والحين عقب ما عرفنا الاسباب نسير ندور العلاج ^^

أول شي وأهم شي وما اقبل وحده في القروب الا عقب ما تسويه >> صدقت عمري لوووول

1.فحص الدم والهرمونات أهم شي عشان كل وحده تعرف شو ناقصها وتاخذ العلاج المناسب

2.نحاول قد ما نقدر نعامل شعورنا بلطف ههههه يعني نمشطها شوي شوي ونربطها بحنيه

3.الاستمرارية مطلوووووبة مب تستعملون الخلطة ولا الزيت مره وحده وتقولون ما استفدنا

شي عالج تساقط شعري

في البداية سرت عند دكتورة جلدية وسويت فحص دم وهرمونات,, وخذيت العلاجات اللازمه ^^

حطيت جدول للعناية بشعري بس احسه ناااقص وان شاء الله اهتم بشعري أكثر ^^

آخذ فيتامينات للشعر ما كملت شهر عليها وبعدني ما لاحظت اي شي

اغسل شعري مرتين اسبوعياً بشامبو دوف

وطريقتي اني اييب كوب واحط فيه شوية ماي وشامبو واخلطهم مع بعض عقب احط الشامبو على

شعري^^

وما انشف شعري بالسشوار اخليه ينشف بروحه وقبل لا ينشف احط لمسة تونيك فازلين عشان ما

يكش هههه متعقدة من الكشة ترا

وازيته مرتين أسبوعياً لمدة خمس ساعات وعقب اغسله بشامبو ( استخدم خلطة زيوت شاريتنها من

عند حرمه تبيع زيوت)

واحنيه مره في الشهر,, اضيف للحنا 2 ملعقة سدر,, 2 ملعقة ياس وفنجان زيت الحبه السوده

هذا برنامجي وافكر ازيد عليه امبولات اكرينال

الصور مب من تصويري ناقلتنها من عدة أماكن

يلا كل وحده تحط برنامجها عشان نشجع بعض وننصح بعض ^^