لعلاج الامساك اللي عند الرضع…طريقة وايد مفيدة للسياحة

السلام عليكم

خواتي صار لي كم مرة أدخل أشوف الأمهات يتشكون من الامساك والغازات ف يهالهم الصغار

وتذكرت يوم كانت بنتي في الاربعين استوالها نفس الشي..
فعالجتها عمتي بطريقتها الخاصة..واايد ارتاحت

سخنت زيت زيتون…وخلته يكون دافي…((انتبهوا عن يكون حار وتحرقون عيالكم وبعدين تدعون علي))

المهم ..خذت بصبعها شوي من الزيت الدافي وحطته على منطقة الشرج لين ما الحرارة تدخل داخل..وكررت هالشي كم مرة..ف نفس اللحظة البنت تبرزت وانتوا بكرامة..وارتاحت

أتمنى أكون أفدتكم ..وفهمتوا شو أقصد لأني ما أعرف أشرح عدل..

وادعوا لي..

مشكوره وااايد
بجرب بنتي مسكينه وايد نعاني من الامساك

يزاج الله خير

مشكوره بجربها الحين في بنتي لاحظت انها من البارح ماسوتها وكانت وايد تتعصر فديت قلبها

مادري بس سبحان الله حليب الأم مسهل طبيعي للطفل وبعد كل رضعه يتبرز الطفل طبيعي
بس في وجود حليب أصطناعي أكيد الطفل بيعاني من أمساك .
الله يعافيلكم أعيالكم ياربي .. والله مساكين يوم يتمون يصيحون من الأمساك .

مشكورة عالمعلومة
أنا اكتشقت مؤخرا طريقة وايد ريحتي من سالفة الامساك و ريحت ولدي فديته
تقريا كل يوم إذا ما سوى بروحه أييب زيت و أمسح على بطنه و بالأخص تحت السرة
و تطلع كل الغازات و يسيره بطنه و يرتاح
جربو هالطريقة و إن شاء الله تفيد معاكم

مشكورة اختي
بس قالولي اخذ قطن الاذن واحط فيه زيت وادخلة شوي مو كلللللللللللللله في المؤخرة وسويتها وحمدلله