شورووووا علي .. شو تقترحون اسوي ححق العشاء .. ملينا من الدياي و اللحم و السمج يوميا .. ابا طبق مميز .. ساعدوووني بليز حق العشاء باجر (ابا اسير اشتري الاغراض اليوم) هههه
وشوربه مشرووم
وفتوش
مثل اممم
انا سااعاات اسوي شي بس ما اخترعتله اسم بعدني
هو عباره عن
خبز فرنسي (( الطويل )) فكارفور
بطااطس
ثووم
ليمووون
بصل اخضر
طماطم
ملح فلفل اسود
زيت وزيتوون
جبن موزيريلاا او اي جبن تحبين طعمه يوم يذووب
الطريقه :
افرمي البصل والطمااطم
فوري البطااطس
دقي الثووم نصه حطييه فمله ويا زيت الزيتوون والباقي حطييه فمله ثاانيه شوي اكبر
فهالمله حطي البطااطس عقب ما تفوور اهرسيها واخلطيها ويا البصل والطمااطم والليموون والملح والفلفل وساعات يطلع حلو يوم تحطين وياها ملعقه جبن المراعي
عقب قطعي الخبز سلاايس شراات مال بيتزا هت بس على اعرض فرغي شوي من الخبز اللي فيه من فووق ادهنيه بزيت الزيتوون واحطي خلطة البطاطس فووقه كثر ما تبين عقب الجبن وحطيه فالفرن لين ما يسيح الجبن
وهني وعاافيه ^^
وبعد ممكن تسوين كيكه البيض تيبين قاالب شرات مال الكييك بس حق هالاكلااات
تحتاجين
طماطم شرايح
بيض حسب حجم القالب
جبن شراايح
بصل مفروم
طمااطم مفروومه
وشويه بهارات
تعرفين يوم تسوين الاومليت بس بيض مخلووط بالبصل والطمااطم صفي الطماطم فالقالب وحطي الخلطه عقب طبقه من الجبن السلايس وعقب اكسري بيض على الويه خليه عيوون لا تخربين شكله ودخليها الفرن ويوم بتشوفينه استوى ظهريه وخليه يبرد شوي عسب يسهل قصه
..
سوي شووربه ربيااان بس ما اعرف كيف>_< اختصاصي اشياء بسيطه
اممممممممم
ممكن بعد تسوين معكروونه فيه معكرونه اسويها كلهم تعيبهم
تحتاجين
بيبي كورن
فلفل حلو الوان
فطر طازج
ربيان
بهارات حسب الرغبه
ماجي مذوب فماي
زيت
معكرونه
طماطم
بصل
ثوم مدقوق ويا فلفل وزنجبيل وملعقة ليموون
تقطعين كل شي سلاايس كباار احلى يطلع
وتشيطينم بهذا الترتيب
البصل
الربيات
الذره
الفلفل
الفطر
الطماطم وتسوينه بس الربيان شزي بياخذ فتره
ولا تنسين تفورين المعكرونه قبل لا تبدين بس لا تنسين هب واايد عشاان عقب بتصفينها وبتخلطينها على النار ويا المكونات هاذي وعقب ايبي طحين ويا حليب سوي صووص البشمييل وصبيها على النار عقب ما تخلطين الشياطه ويا المعكرونه واخلطيهم واستخدمي ملعقة خشب احسن للمعكرووونه
وهذا اللس عندي
ان شااء الله اكوون فدتج بشي ^^
انا احس لازم دياي و لا لحم و ل سمج .. بس في نفس الوقت .. الاكل ما حسبه صحي
ن شاء الله بجرب بشاميل الخضرا
و معكرونية الربيان شكلها شهية بعد
تسلمون على الردود