كيف يحطون النشا عشان الغتر ماتلين ؟؟ اعمال منزلية

ازيكم يابنات :1 (40):

هههه شحالكم؟ بنات ريلي بيرد عقب باجر يعني بالخميس وتوني سلامة عيني تذكرت السالفه :1 (30):

دوم يقولي علمي الخدامه تحط نشى حق الغتر عشان مايختربن ويلينن :1 (6): وانا ماعرف في

هالسوالف ياليت الي عندها خبره تقولي كيف يعني بعد الغسيل قبل ونشا العادي ولاشي مخصوص حق

الغتر :1 (6):

اختي شوفي اولا يوم بتغسلين الغتر لاتحطين كونفورت عشانه يلينهن وايد ولاتشطفينهن زين عن الصابون يعني خلي فيهن شوي صابون
ثانيا رشي كامل الغتره بالنشا وكويها من الجهه الثانيه مب الجهه الي راشه فيها عشان النشا مايكسر ويسوي طبقه بيضا
واتمنى اني افدتج

سيم سيم المها 50 :22 (22):

لافديتج النشا اللي يقصده ريلج خاص حق الغتر وينباع في الجمعيات والسوبر ماركت ^_^

النشا علبه زرقا طويله لها مقبض وبرءاسها زر تضغطينه ويطلع ماده بيضاء هيه النشاء شكله قريب من الملطفات او الفليت
انتي روحي للسوبر الكبير قسم الملطفات والمنظفات وبتلاقينه ازرق غامق جدا
الرجاجيل ما يستغنون عنه ابدا بالذات على الغتر
وبعدين انتي لازم تبحثين في الاسواق وتتعلمين عن كل شي في التنظيف والاشيا المستخدمه للملابس صدقيني بتلاقين اشيا ما تعرفينها وبتستفيدين واجد

انا عندي خبره في الموضوع من كثر مااكوي غتره اخووي
اول شي تغسلين الغتره عادي طبعا وتخلينا تجف وعقب تكوينها بعد عادي
اذا هو يباها حق العقال يعني ترشين على كامل الغتره وعقب تكوينها بس حاسبي اضغطي شوي وانتي تكوين وعقب ردي رشي جدام عند منطقه الراس وتريي شوي وكويها ومره ثالثه رشي وبعد كويها بس الكوايه لازم تكون نظيفه عشان ماتعلم في الغتره
وبس
هههههههه سالفه طويله بس يوم تاخذ ايدج بتحسين انها سهله

والله طرق جميلة