بنات هذا اول ولد لي وماعندي الخبرة الكافية
كيف اميز بين هالاشيا
مثلا الامساك شو المدة عشان احكم عليه ان عنده امساك
والاسهال كيف يكون ؟
ولدي عمره شهرين و5 ايام ونا من اسبوعين بديت اعطيه حليب صناعي بس رضعه وحدة باليوم وبديت بكمية بسيطة يعني رقم 2 بالمرضعه وحليب سيميلاك لمدة 10 ايام بس رضعة وحدة باليوم ,وحتى في يومين ماعطيته شي وعقبها رقم 3 رضعة وحدة باليوم
اليوم لاحظت البراز الله يكرمكم مايل للسائل ونفس اللون اصفر وطول اليوم 3 مرات سواها
كيف يكون الاسهال ؟ هل بعدد المرات والا شو ؟ والا اذا كان يصييييح
مادري اذا من الحليب الصناعي
كيف اعرف اذا من الحليب ؟ والا مع اني صارلي اسبوعين استخدمه بكمية بسيطة هل اقدر احكم عليه ان ماناسبه ؟
انا بنتي نفس الحاله دايما تصيح ولما ارقدها عبطنها ترتاح والدكتورة قالتلي طبيعي البيبي يتبرز اكثر عن اربع مرات في اليوم وعفكرة الحليب الصناعي يسبب امساك وغازات يباله فترة عسب يتعود عليه
واصلا بطن الياهل اول فتره ما يكون منتظم وياخذ وقت
بالنسبه للون البراز المفروض يكون على الاصفر الفاتح هو اول ايام يكون غامج بلون العقا وعقب يبتدي يفتح
اذا فيه مغص بتشوفينه يصيح ويرد بريوله صوب بطنه معناه فيه مغص وغازات
حاول تطولين الفترة وانتي تجعدينه عقب الحليب خص الصناعي وحطيه على جنبه اليمين شويه بتلاحظين بيبتدي يطلع غازات وممكن بعد تحطينه على بطنه شويه بيساعده .. واذا حابه ممكن قبل رضعة الحليب الصناعي تعطينه انفاكول بيخفف عنه وبيساعده على التخلص من الغازات
اذا عنده اسهال بتشوفين اخراجه لوز ماي فيه وايد هذا معناته انه فيه اسهال طبعا اذا استمر كذا يوم لانه احيانا ممكن يكون يوم ويوقف فيعتبر عادي اذا استمر اكثر من يومين او ثلاثه شوفي الدكتور ..
حاولي تغيرين له الحليب وشوفي لانه فيه بعض الانواع تكون قويه على معدة الطفل
عموما معدة الطفل اول فتره تكون مضطربه
