شخباركم .. عساكم بخير وسهاله ان شالله
تخيلي انج ساكنه عند ريلج فمنطقه بعيده عن منطقة أهلج
وتبين تربين عند أهلج .. يعني انتي تراجعين فمكانين بس تبين تربين عند أهلج
متى تقريبا بتسيرين تيلسين عندهم عساس إذا ياج الويع تكونين هناك ؟؟
هل قبل موعدج باسبوع مثلا .. أو اسبوعين .. والا أول ما ادشين التاسع ؟؟؟
اتريا ردودكم ي الغاليات
>> ملحوظه : ريلج ما عنده مانع اتمين هناك فتره طويله <<
وخليج عند ريلج ضهري من المستشفى وعلى طول سيري بيت اهلج
انا انشالله جي بسوي
ربي يسهل علينا
والله يسهل عليج يارب
اذا كنت في هاي الحالة اول مااييني الويع بسير عند اهلي مابسير قبلها لان (الجماع) مهم هذي الفترة ويساعد ع تسهيل الولادة
الغاليه مسااافه بين منطقتنا والمنطقه اللي فيها أهلي .. كيف يوم ييني الويع !!!!!
مشكورات الغاليات .. افدتوني بصراحه
انتظر المزيد من الآراء