بس ابغي وحده تفيدني لطريقه
بالنسبه للارمله او اللي عندها اطفال كيف قدرتي تنسين عيالج غياب ابوهم ؟؟
وو كلمة بابا ياليت اللي عندهن طريقه يفيدني واكون شاكره لكن
والسموحه
السموحه فديتج ما عندي فكره وربي يصبرج ويصبرهم ان شاء الله
بس حبيت أرفع موضوعج
أنا شفت وحده من هلنا هي مطلقة مب أرملة
و أبو الولد مررررره ما يعرف الولد و الولد نفس الشي
الولد تعلق في خاله وايد لدرجة أنه يسميه أبوه
يطلع معاه ويتشرى له خاله كل شي
وهذا إللي أعرفه
وان شاء الله الخوات يفيدنج
والله يرحمه ويغمد روحه الجنة
انا اخو ريلي متوفي وعنده ولد عمره 6 سنين …
وعقب ما اتوفى ابوه … عمامه فهموه ان ابوه توفى وانه في الجنه …
والحينه يسمي يده ابويه ….وماشاء الله يده مب مقصر معااه في اي شي ..
عيني تدمع
الله ايصبرج وايصبر عياله وايخفف عنكم يارب
ذكريهم فيه و انه وياهم و بيرضى عنهم لو سوو شي زين و بيزعل عليهم لو سوو شي مب زين
وخليهم يدعون له في صلاتهم
و عطيهم بيزات و وقوليلهم بنعطيها الفقراء عشان بابا يفرح و هو في الجنه
ليش تنسينهم ؟