بنات انا خذت احواض وايد تقريبا20 حوض
فخار وبلاستيك والمنيوم
وحابه ازرع وازين حديقتى
كيف ابدا خبرونى
لانى ما عندى خبره
وشوه تنصحونى اشترى شتل والا ازرع بذور ؟
انا خذت بذور ريحان والورد الملون..
خبرونى اتريا خبرتكم
ويا ليت بالصور
زرعت بذور بس البذور يبالها وقت لين تكبر و تزهر
في حالتنا احنا المبتدئات احسن شي تبدين بالشتلات
و شوي شوي تتعلمين على الزراعه و تزرعين روحج
و اكيد الخبيرات في القسم ما بيقصرون معانا بالنصايح
مثل ما خبرتج اموره البذور ايطولون لكن ما دمت اشتريتيها ازرعيها
ملاحظه لو اتحطين في قاع الاصص حصى صغار من تحت افضل لصرف الماء
وعشان ما اتعفن الجذور ومفيده للاصص الصغيره اتثبتها عشان الهوا ما ايطيرها
الاصص ما تحتاج عباله اشتري تربه سوده او بوتموس والنباتات الصغيره ما تحتاج سماد داخل الاصص
وسيري واحد من المشاتل ويا عيني دليني مدام تبين للزينه خذي زهور موسميه
ونخيل سايكس قزمه وفراوله وازرعي واستمتعي
المشاركة الأصلية كتبت بواسطة أمورة 
زرعت بذور بس البذور يبالها وقت لين تكبر و تزهر
في حالتنا احنا المبتدئات احسن شي تبدين بالشتلات
و شوي شوي تتعلمين على الزراعه و تزرعين روحج
و اكيد الخبيرات في القسم ما بيقصرون معانا بالنصايح
انا وانتى صف اول 
المشاركة الأصلية كتبت بواسطة xouaexo مثل ما خبرتج اموره البذور ايطولون لكن ما دمت اشتريتيها ازرعيها
ملاحظه لو اتحطين في قاع الاصص حصى صغار من تحت افضل لصرف الماء
وعشان ما اتعفن الجذور ومفيده للاصص الصغيره اتثبتها عشان الهوا ما ايطيرها
الاصص ما تحتاج عباله اشتري تربه سوده او بوتموس والنباتات الصغيره ما تحتاج سماد داخل الاصص
وسيري واحد من المشاتل ويا عيني دليني مدام تبين للزينه خذي زهور موسميه
ونخيل سايكس قزمه وفراوله وازرعي واستمتعي
اهلين اختى الحبيبه
*حصى صغار تحت
*سماد اسود
*ما اتخيل ازرع فراوله ههههه
مشكورة الغلا وبجرب وببدا
تعرفين ذكرتيني بولد ختيه فديته من كثر ماهو يشوفني ازرع وارتب الحديقه حب الزراعه وينافسني بعد
هو راعي بحر مسوي مظله حق ايام لشتاء وياني قالي اريد ازرع وارتب المظله وانا ميح في الزراعه علمته تعالي الحين شوفيه ينافسني وصار مرافقي لمشتل المينا
مقادير الشغله
تحتاجين ( بيتاموس الي هي التربيه السودا )
شتل
ماي
نفسيه حلوه للزراعه وهااا هالله هالله بالنفسيه
اترسي الاحواض بالبيتاموس وازرعي الشتل في النص ولا زم سطح تربة الشتله تكون على السطح عند الزراعه
وانتي اختاري الشتل الي تبينهن جهنمي هاذي ورده دائمة الزهره صيف وشتاء وانواع كثيره
عندج الياسمين ام ريحه فواحه وهي متسلقه وياسمين البلدي العادي والفل والجوري ونخلة واشنطن وسايكس ونبتة الفتنه
وفي زهور موسميه انواع وايده في المشاتل تزينين فيها الاحواض
يعني تزرعين جهنميه وحواليها زهور مثل البتونيا الموسمي يعني بس يعيش في فترة البراد لشتاء او اي نوع زهور موسمي متوفره عندج في المشتل الي قريب منج
وان ما عرفتي وخايفه يموت ودي لحواض المشتل الي عدالج وخليه هو يعبيلج الاحواض ويزرعلج اياهن
وهاذي طريقة ولد ختيه قال خفت يموت اول مره ,, الحين المره الثانيه زرعهن هو قال تشجعت .
عزيزتي اذا بغيتي اي نصيحه تجمعنا موجود حطي سؤالج او استفسارج وان شاء الله ما بنقصر
وياكم ان شاء الله على الخط