بنات ابا مساعدتكم في شي .. ماعرف كيف ارتب ملابسي في شنط الزهبة ..
يعنى كيف احطها في اجياس والا شو .. ومن وين اشتري هالاجياس ..
بليييز ردوو علي …
بالنسبة للمخاوير والثياب حطيه في اجياس شفاف ورتبيهم بعد شنطة
ومبروك مقدما
اذا اشياس مابتخلصين ..
وربي يوفقج
اممم الملابس الداخلية في كراتينهن او الطقم في كرتون صغير مالهن بس بعد ما تغسلينهن
شنطة مثلن للملابس الداخلية
شنطة للنعول
شنطة للكنادير
شنطة لقمصان النوم و البيجامات
شنطة اغراضج الخاصة للحمام
وهكذا الفساتين ما يبالهن شنطة في قراباتهن خليهن و دخنيهن و سكري القراب عليهن
صندوق عطورج و مكياجج و اكسسواواتج طبعن كل شي بروحه
بعد شو بتقي العبي و الشيل وزعي مب شرط كل شي بروحه مثلن انتي جوفي شو شاريه كل شي يخص العبي من شيل نقابات غشا سكارفات شيل بيت حطيه مع بعض
او حطي شيل البيت مع الكنادير انتي وذوقج واللي تشوفينه مناسب
الشلح و الصراويل مع بعض
الاكسسورارت و مال الشعر و المشط مع بعض
الشنط بروحهن النعول بروحهن
المغربيات بروحن
قمصان النوم والبيجامات بروحهن
سوري حشرتج حبيبتي ان شاء الله اكون افدتج انا مجربة ة شفت كذا زهاب جيه مرتبين بس لا تنسين تعطرينهن ة ادخنينهن 
الله يوفقج الغالية و يسعدج انتي وهلج و ريلج و يرزقج الذرية الصالحة
خصصي ل كل شي شنط و الاخت انا الاحلى ما قصرت كفت و ووفت فديتها
الشنطة العودة رتبي فيها ملابس و قمصان النوم و الفوط و غيره
و الشنطه الثانية نعولج و الشنط و هكذا
العطور و الدخون و الاكسسوارات خليها اخر شي .. اذا مك كفت شنطتج خذبلج 3 بوكسات احجام مختلفة و رتبيهم
و ربي يسعدج و يهنيج