كيف أعالج مشكلة فهم المقروء التدريس الاماراتي

السلام عليكم ورحمة الله وبركاته
خواتي في الله أنا بنتي في الصف الرابع وعندها مشكلة في فهم المادة المقروءة يعني إذا قرأت فقرة باللغة العربية أو الانجليزية بتقراها قراءة صحيحة لكن ما تقدر تفهم الموضوع والمشكلة في الامتحان فديتها مذاكرة عدل وتجاوبني صح وأسألها شفهي وتحريري بس التحريري يكون بالتدريج أول أكتبلها سؤال وبعدين أتم أزيد لين 3 أسئلة تكون أوكي إذا وصلت 5 أسئلة تتخربط وتحط جواب هذا عند هذا
فاللي عندها حلول لهالمشكلة أو الخبيرات في هالمجال جزاكم الله خير لا تبخلون علي

انا نفس المشكله بس بنتي في البيت اتكون فااهمة في الامتحان في المدرسة تخبص ولا كأنها مذاكرة من قبل

اختي خلي بنتج تجاوب عالاسئله اللي تعرفها واللي ما تعرفها اخر شي واذا ما عرفت خل تقول للمدرسه تقرا السؤال وتشرحلها والله يوفقها ان شاء الله

الله يعينا
يعني تعبنا يروح خسارة

الغالية بنتي حافظة كل شيء لكن المشكلة ما تعرف هالجواب لأي سؤال أنا جربت أسويلها امتحان بالترتيب اللي هي حافظتنه تجاوب ممتاز وإذا عاديتلها الامتحان وغيرت الترتيب عينك ما شوف الا النور صفر وكم مرة قلت لها انتبهي قبل ما تجاوبين بس ما حصلت نتيجة
الله المستعان ما شيء غير الدعاء والصبر

حبوبة لازم تفهم قبل لا تحفظ

الفهم قبل الحفظ

يعني قبل لا تحفظينها فهميها الفقره عدل وعقب بتحسينها بروحها حفظت ,,