لازم تداومي على تقشيره وصنفرته وترطيبه علشان يحافظ على حيوته ومرونته وبالتالي يقاوم التشققات اللي تظهر بعد السمنه المفاجئه او الحمل وغيره … وطبعا لاغنى عن التغذيه الصحيه اللي لها الاثر الكبير في صحة الجلد وشبابه وكذالك الرياضه …
بعرض لكم جدول عناية متكامل يشمل : ازالة السواد من المناطق الحساسة ، التنظيف والتقشير ،بعض الوصفات الخاصه بشد الجسم وتجميله وتطهيره ، الترطيب
والمواد المستخدمه طبيعيه وتقدرين تعملينها في البيت ..
اولا: ازالة السواد من بعض المناطق :
طبعا فيه كثيير خلطات للسواد لكن انا اخترت افضل شي :
1/ وضع زيت زيتون على المنطقه السوداء سواء الركبه او الكوع او غيره وفركه بنصف ليمونه مغطسه بملح ناعم ….. او
2/ فرك المنطقه بنصف ليمونه مغطسه في بيكربونات الصوديوم ……. او
3/ كميات متساويه من : الليمون ، خل التفاح ، ماء الورد . اخلطيهم وادهنيهم على المنطقه ..
طبعا الخلطات هذي قبل الحمام …. اذا تبين نتيجه سريعه استخدمي بعد الحمام :
ادهني المناطق السوداء بالجلسرين مع الليمون …
او تدهنيهم بزيت الورد .. طبعا كل يوم بعد الحمام وقبل ماتنامي .. وفي الصباح اغسليه
ثانيا : التقشير :
اختارو احدى هذي الوصفات او جربي كل مره وحده منهم فكلهم ممتازين
1 / الوصفه الاولى :
اخلطي كميات متساويه من الليمون ، زيت الزيتون ، ملح ناعم ، سكر خشن
ادهني جسمك فيهم وخليكي ساعه او نصف ساعه على الاقل .. في حمام مليء بالبخار
بعد كذا افركي جسمك وشوفي الاوساخ اللي بتطلع ….. وامسحي جسمك بفوطه قديمه ..
بعدها اغسلي جسمك بماء دافي وجل الاستحمام او الصنفره وافركيه بالليفه ..واغسليه
بتحسي بنعووووومه ولانعومة الاطفال من اول مره تستخدميها
ومع كثرة الاستخدام بيتفتح لون الجسم وبيصير كله لون واحد
2/ الوصفه الثانيه :
المقادير
ملعقة فكس ……ملعقة جلسوليد……ملعقة زيت اللوز الحلو
ربع كأس مبشور صابون الغار الطبيعي ……ملعقتين ورس(مطحون) ..ملعقتين قشر برتقال مطحون (تجفف القشور وتطحن ) ملعقتين شوفان كويكر(مطحون)
كأس ماء بقدونس….ربع الكأس عصير ليمون
الطريقة:
نغلي ماء البقدونس ثم نضع الصابون المبشور والكريمات ثم الشوفان وقشر البرتقال والورس
توضع الكمية في الثلاجة ويؤخذ القدار الذي يكفي لتقشير الجسم…
الإستخدام :
في حمام مليء بالبخار يدهن الجسم بهذا المقشر وبعد عشر دقائق يقشر براحة اليد بحركة دائرية بعد ذلك يغسل الجسم بالماء وجل الاستحمام ..
النتيجة المرجوة :
توحيد لون الجسم وتبييضه وإزالة الجلد الميت منه وتنعيمه …
يستخدم مرتين بالأسبوع
3 / الوصفه الثالثه :
يبي ملعقة كبيره ورس مطحون اخلطيها مع علبة كامله زيت زيتون
واتركيه لمدة ساعتين لحد مايتغير لون الزيت ..
بعدها ادهني جسمك فيه … وروحي البسي ملابس قديمه عندك
وخلي الخلطه على جسمك لمدة ساعتين
بعدين روحي جهزي الحمام واملي البانيو ماء حاره على قد ماتتحملين
وبعد الساعتين اجلسي في الماء شوي …كمية الجلد الميت اللي بتطلع ….
بعدها افركي جسمك بالليفه والجل ..واشطفيه
مع الاستمرار على هذي الخلطه بيبيض جسمك ويكون ناااعم
ثالثا : الوصفات الخاصه بتطهير الجسم وشده وجماله : (تكون بعد الاستحمام )
1/ املي البانيو واضيفي عليه ملعقة او ملعقتين خل تفاح وشوية ماء ورد… واسترخي فيه
بعدين خليكي تحت الدوش وافتحي الماء البارده … ياسلاااام انتعااااش وحيويه
..هذ الوصفه.. لها عدة فوائد : مثل تطهير الجسم وتعقيمه وازالة رائحة العرق الغير مستحبه ، وكمان خل التفاح يشد الجسم وخصوصا الصدر ، ويساعد في تفيح لون الجسم مع الاستمرار …
2 / املي البانيو ماء بارده وحطي عليه ثلاث فناجيل نشاء الذره وشوية ماء ورد … واسترخي فيه .. بعدها افتحي الدوش على الماء البااارده ..
فايدة النشاء انه يشد البشره ويقفل المسام وكذالك يطهر الجسم من رائحة العرق ويعطيكي نعومه فائقه ويهدي البشره المتعبه ويريحها … وغيره .. وغيره ….
رابعا : ترطيب الجسم :
مهم بعد الاستحمام وبعد ماتجففي جسمك رشيه بماء الورد (جيبي بخاخ الماء وعبيه ماء ورد ) وبعد مايجف استخدمي المرطب اللي تحبي :
1/ زيت اللوز الحلو : مفيد جدا في شد الجلد واكسابه المرونه .. يستخدم في عمل مساج للجلد
2/ زبدة الكاكاو (علبه كامله ) ، نصف علبه جلسوليد ، زيت لوز حلو
اخلطيهم مع بعض وادهني فيهم جسمك بعد الحمام ..
هذى المرطب ثقيل شوي لذلك ينفع بعد ماتعملي تقشير لجسمك .. فهو يعطيك نعوووومه وليووونه ويوحد لون الجسم …
اذا حابه تحطيه قبل الحمام اضيفي عليه عصير ليمونه وحطيه في الليل وفي الصباح استحمي
3/ اذا حابه المرطب يكون خفيف فيه اشكال وانواع من الكريمات المرطبه الخاصه بالجسم …اختاري اللي يعجبك .. مثلا من كريمات ماركه اسمها سويس فورمولا كويسه ورخيصه ومتوفره او جونسن اند جونسن او نتروجينا ……..وغيره
صراحه انا سمعت عن كل هالخلطات
وما جربتهم فلتجرب خل تفيدنا والموضوع منقول من احلا موقع احبه مجلة حلوة
منقول
تسلمين ع النقل و الجهد
تسلمممين
لأنه عضوات المنتدى اللي سرقتي مواضيعهم منزلين موضوع خاص للسالفة هذي
وكلنا كعضوات فيه وصلنا حدنا من التصرف هذا وتضايقنا حييييييييييييييييييييييييييل
واللي يشوف مشاركاتج بيلاقيها أغلبها إذا مو كلها منقوووووووووووووووووووووووووووولة من منتدى واحد
والأدهى والأمر انج قمتي تغيرين المصطلحات بلهجة الامارات
وتتوقعين بعد هذا البنات راح يحللون شغلج هذا؟؟؟؟؟؟؟؟؟؟؟؟؟؟؟؟؟؟؟؟
المهم الاستفاده والتجربه نحن مب يالسين نسجل براءات اختراع هنا