كوزسمبرج والليزروالشعر في العين لعلاج السمنة و النحافة

حد فيكم جرب أزالة الشعر بالليزر في كوزمسبورج في العين؟؟

أبا اسويه عندهم بس خيفانه ……….
وكم أسعارهم…………

ما عندي فكره

بس انا اسويه في مركز المدار الطبي الويه بـ 550 كل جلسه

أختي كيف شفتي شغلهم أوكيه أقصد النتائج
وهل عندهم دكتوره
ومشكورة

انا في كوسمسيرج

وايد ناسبني

والشنب ب 250

والبيكيني ب 1200

زادوا على الشنب 50 يعني 250 كان 50

والبيكيني كان 1000 صار 1200

الغالية ما أنصحج تسوين ليزر ..

لأن يقولون وايد أضرار وإذا ماظهرت مبكراً بتظهر مع مرور الأيام وفي المستقبل ..

في بنات سووا وندموا عقب لان الشعر ظهر مرة ثانية وصارت مشاكل في الجلد ..

فالأفضل التجنب والابتعاد .. (( الوقاية خير من العلاج ))

وبالنسبة للمناطق الثانية ( العورة ) مايجوز كشفها إلا لحاجة ضرورية ..

وإزالة الشعر ماتعتبر حاجة ضرورية ..

فلازم نتقي ربنا ونتجنب كشف عوراتنا ..

أتمنى أكون أفدتج الغالية والسمووة وربي يوفقج .. ^_^

اانا اول مرة في حياتي اسوي ليزر وياريتني ماسويت كان باقي اسبوعين عن عرس اخويه وباقي 3 ايام عن العيد
اتعرفوووووووووووووون شو صاري حرقوني انا وخواتي عند مركز المدار الطبي ب 350
واشتكينا عليهم وقالوا بوقفونها عن الشغل واونها خبيرة تجميل ويزاهم الله خير الحكومه وما سوا شي
اونه ردولنا الفلوس الفلوس شو بسوي بترد ويوهنا ووصلناها الشكوى بوظبي وبعد ماسوا شي
وفجاة اتصلنا ثاني يوم حصلناه موجوده في المركز مب حراااااااااااااااااام حرق البنات والله يستر غلى الباقيات
وفي العين طبعا المركز وانتوا اتعرفونه انصح كل وحده ماتسوي عندهم ومشكوووووووووورين

مرحبا أختي…

كل مكان له سلبيات وإيجابيات ..إذا نفع وحدة يمكن ما ينفع الثانية…

بس عني أنا أسوي ليزر حق ويهي كامل في مركز استثيك في العين…بـ 850درهم…وعقب الجلسة الرابعة يصير سعره النص يعني 425 درهم…

أنا مرتاحة معاهم الحمدلله..لي ألحين تقريبا أربع جلسات و الشعر خف عندي وايد (ما شاء الله) وما صارت لي اي اعراض جانبية ..بعض الاحيان اذا الأخصائية تزيد درجة الحرارة فيستوي لي مثل الحرق الخفيف في منطقة صغيرة ويروح بعد يومين …عادي يعني…

هم يستخدمون الضوء الاحمر مب الليزر وهذا أخف عن الليزر..صح يحرق بس اول جلستين وعقبها تتعودين…ويحطون لج ثلج مضادات وغيره من المهدئات…وطبعا تروحين لهم أول جلسة عقبها باسبوع الجلسة الثانية وعقبها بشهر وعقب كل ما يظهر لج الشعر تروحين يعني ع حسب ثلاث شهور أو خمس..

بس قبل كل شيء استخيري وشوفي وين انتي ترتاحين…
ولازم ما تكونين تستخدمين اي ادوية جلدية سواء خارجية أو بلع..

والله يوفقج