كل من تعاني من التوسع تعالن نفتح هالموضوع

حبيباتي وأخواتي في الله……
أنا أعرف ومتأكده من أن وااااااااااااايد نساء متزوجات يعانن من نفس المشكله وهي التوسع….
و أنا وحده منهن…وبكل أسف …وهذي معاناتي بقولها بالتفصيل …واتمنى من كل متزوجة تشاركني بهمومها عشان نشجع بعض وندور على حلول لمشكلتنا ..
أخواتي لان المشكله حساسة والكل يستحي يناقشها مع حد خارج المدونة
فهذي فرصتك هنيه تشاركينا المناقشة

أول شي بنبدأ بالمشاكل بعدين بندخل في الحلول…..

بداية.. أنا عمري 27 ومتزوجة صارلي سبع سنين …

جميلة جدا ..ونحيفة بل رشيقة وكان مقاسي دايما متوفر لانه مقاس العارضات … هذا طبعا كااااااااااااان…أما الحين بعد عيالي الثلاثة صرت مليانه وزايدة 15 كيلو فوق وزني … وفيه كرش والتشققات مالية جسمي … والأمر والأسوأ أن المهبل عندي متوسع!!!! هذا أكبر مشكله … أحس أن زوجي ملاحظ بس مستحي يقول…عشان مايحرجني لأنه عارف اني ماقصر في حقه من عداله ولبس وحركات خطيرة فالتوسع غصب عني!!!!

….

لاحد يفهمني خطأ ..أنا ماطرحت مشكلتي بالتفصيل الا عشان الحريم اللي مايقدرن يوصفن مشكلتهن مع التوسع..أو مش حاسات بالتوسع لأن أزواجهن مايتكلمون… والمواقف اللي يتعرضن لها مع أزواجهن…بس مايدرن انها مشكله.. ولايدرن ان أزواجهن ساكتين لانهم منحرجين ….مثل حالتي!!!!

يالله خلونا نسمع معاناتكن مع التوسع عشان نبدأ بالحلول….والله لايفرق بينا وبين أزواجنا …ولايعرسون علينا……[/CENTER]

الغاليه معاناة التوسع حليها بالعمليه التجميليه ووايد حريم مسوياتنها ويمدحنها بعد … والله الموفق.

العملية متعبة ….وتخوف…..

المفروض ما تتضايقين ولا اتيبين حق ريلج انه فيج شي هاي سنة الحياة يعني اللي يحب حرمته ويباها عمره ما يفكر جي يعني شو نسوي نجتل عمارنا اللي علينا نسويه نحط كريمات مال التشققات ونهتم بس ما بيخوز 100% وبعدين الوزن لازم بيتغير وبعدين انا اشوف الوحده ليش اتسير اتعور عمرها بهالعمليات ليش جي ترا الحياة مراحل عيل يوم بنعيز وبيبض شعرنا بنسير انشقره لانه الريااييل ما يبونا انعيز خخخخخخخخخ يالغاليه اللي علينا نسويه…… بالنسبه للافرازات قبل اي شو اغسلي المنطقه بغسول شوي يجفف المكان واتوكلي على الله … حتى لو ريلج قال انه المنطقه اتوسعت قولي له كل الحريم جي يعني مب بس انا وبعدين تراكم تبون عيال

أنا من راي الفلاسية

يا الغالية حتى العروس لفرش مصيرها مصير غيرها … إلا اذا ما تحمل أو ما يباها تحمل …

ومافي في الكون وحدة ما تبا يكون عندها عيال …