فدتيكن والله اسمحولي على المغثة بس بسبب الشكاوي اللي توصل لنا عسبة الجمعيات واللي يصير فيها من تأخير في استلام البنات المشاركات لفلوسهم وبشكل بسبب المشاكل اللي تصير فيها وتأدي مرات لسوء الظن بين الخوات + كنسلت الجمعيات هاي …
شفنا من الاحسن ان يكون في ضوابط تحد نوعا ما من المشاكل اللي تصير فيها :
من حيث الضمانات :
**
عند كتابة اي جمعية يجب ان يكون الضمان عبارة عن صورة جواز صاحبة الجمعية ومكتوب عليها من ورا تعهد بالتزامها بدفع قيمة السهم شهريا من شهر كذا سنة كذا لين شهر كذا سنة كذا + التزامها بجمع جميع المبلغ المتفق عليه من جميع المشتركات ايضا وارساله كاملا للعضوة صاحبة الدور يعني في الشهر الفلاني لفلانة والثاني لفلانة والثالث لفلانة وهكذا ,,, وذلك في اليوم المتفق عليه في الشهر المتفق عليه ( يعني في دور العضوة )
وبالنسبة للعضوات المشاركات في الجمعية تكون الضمانات عبارة عن صورة جواز السفر مكتوب عليه من ورا تعهد يلزم العضوة بالتقيد بدفع قيمة الجمعية في المدة المتفق عليها في يوم كذا من شهر ولمدة كذا ,,
**
ملاحظة:
في حال الاخلال بأي شرط من الشروط يتم حذف الموضوع دون الرجوع لصاحبته ,,,
*****************************
وفي حال تعديل اي شرط ,,, سيكتب في هذا الموضوع ,, فالرجاء الاطلاع على الموضوع دااااااااااااائما ..
*****************************
والله يوفق الجميع ويخفف المشاكل على الجميع ويرزق الجميع الرزق الحلال الطيب ,,,
@ اختكم في الله @
ام ناصر 