شحالكن خواتي الكشيّخات و الأنيقات ؟
موضوعي اليوم عن قصة السمجة او الميرميد Mermaid
مثل ما تلاحظون هالقصه وايد دارجه هالفتره و مستويه موضة في فساتين العرايس و فساتين الاعراس
و الصراحة هي قصّة حلوة و أنيقة و راقية جداً
بس السؤال اللي يطرح نفسه هلى تناسب أي وحده ؟!
مشكلة بعض البنات "التقليد الأعمى" يعني تمشي على الموضة و الفساتين الدارجه بدون ما تفكر في الستايل اللي يناسبها و يناسب جسمها 
خواتي هالقصه يبالها وحده رشيقة و مخصرّه (أهم شي الخصر محدد) و جسمها متناسق شرات هالصورة يعني :
عفواً بس يوم تشوفين وحده دبة و جسمها فيه زوايد من كل صوب و لابسه فستان السمجة الصراحة لا تعليق !
و حتى اللي تكون وايد ضعييفة و طويله يعني يابسه على قولتنا و خاصه لو كانت مسطحه من ورى ما تناسبها هالقصة و تضعفها اكثر لان يبالها دفريشن ..
انتو شو رايكم في الموضوع ؟ و ما تلاحظون هالشي في الأعراس ؟
يعني الصراحة احياناً تكون العروس قمر ما شاء الله لكن تخرب على عمرها لانها ما تختار القصّة اللي تناسب تقاسيم جسمها *_*
الزبدة من موضوعي انه لازم تكون عندنا ثقافة في الاختيار و ما نمشي على الموضة بدون تفكير
ترى مب كل شي يناسب غيرج يعني يناسبج و مب كل شي يطلع حلو على غيرج بيطلع حلو عليج
احيد مره سرت عرس والعروس لابسه الفستان ب هالقصة بس حرم مب راكب عليها ابدااا من ناحيه الجسم والطول
عن الهيازه و لا للردود السطحية 