قروب the biggest loser اللي تبا تضعف وتنحت جسمها حياها في قروبنا وانشالله نوصل لاهدا

السلام عليكم ورحمة الله وبركاته

بعزيمه واصرار باراده من القلب

حبيت افتح ها القروب وبعد معاناه وتعب وعشان اوصل للوزن اللي اريده وطبعا هدف هدف وماشي ايي بسهوله ولا نترشن ولا غيره ورياضه عندي اله المشي وعندي الاوربت تراك وعندي معدات رياضييه وسيديات وانشالله اني ببدا وياكم واللي حابه تشترك يا مرحبابها

اول شي شروط الاشتراك

1- تحطين اسمج وطولج وزنج الحالي وزنج المطلوب توصليله وكيف تجاربج ويا الدايت
2- تشاركينا بيومياتج عشان يكون الاموضوع متحرك وعشان نشجع بعض اكثر
3- ولازم يكون لج هدف معين تحطينه جدامج وتسيريله باعتدال بدون ركض وبدون زحف

وانا اول وحده بكتب
Fo0olh
الوزن الحالي 98 الوزن المطلوب 65
يعني المفروض انزل 33 كيلو تقريبا
اريد انزلهن في 3 شهور اذا قدرت انشالله

الرجيم بيكون على حسب مزاجكم بس بحساب السعرات الحراريه

انا مزاجي الصراحه ابا انوع وكل اسبوع استراحه للوزن وفي وجبه فري في يوم الوزن ويفضل تكون على الغدا

يفضل الاكثار من الشاي الاخضر

الاشياء المساعده
الرياضه ساعه في اليوم
شرب كوبين ماي قبل كل وجبه بعشر دقايق
شرب شاي اخضر بعد كل وجبه على الاقل بنص ساعه السكريات ممنوعه
والنشويات يفضل التقليل منها

وهكذا

يالله حركو الموضوع ما نباه ينزل من الصفحه الاولى

وابا اشوف المشتركات كلهم جادين واللي مب جاده لا تشارك
لاننا ما نبا شي يردنا لورا نبا نحط ايدينا في ايدين بعض ونمشي المشوار لنهايته