كل عام وانتن بخير
وتقبل الله طاعتكن
بنات اعرف انسان حالته المادية اقل من المتوسط وهالانسان خاطب من فترة
وحاليا يبغي يتزوج لكن مثل ما قلتلكن حالته المادية تعبانة والعرس محتاج
لمصاريف وااااااااااااااااااااااايدة من قاعة عرس , بطايق,كوش , خيام, ليتات ——
فاللي ابغيه منكن ياحلوات اذا تعرفون مسؤول عن قاعة عرس بسيطة مثل
الاصلاح في دبي , او اي قاعة في دبي او الشارجة اوعيمان او ام القيوين
وممكن انه يساعد المعرس بتخفيض تكاليف القاعة يعني ينزل السعر شوي
كعمل خيري ومساعدة لوجه الله وفك لكربة اخيه المسلم عسى الله يفك كربته دنيا واخره
وذا تعرفن محل اثاث – غرف نوم –
محل كوش
بطايق
خيام
ليتات
مطبخ شعبي
محل تصوير
اواي شيء له علاقة بالعرس
وممكن المسؤول يساعد بتخفيض جيمة هالسوالف فيزاكم ويزاه الله خير مب شرط كل هالاشياء في محل واحد حتى لو عدة محلات وحتى لو موزعة على الامارات الاربع اللي ذكرتهن
عرايسنا الغاليات هذي مساعدة انسانية وانا ما طلبت بيزات بس مساعدة
المعرس بتقليل المصاريف عليه بتقولون لي ما يحتاي كل هالاشياء يسويها
بقولكم اهل العروس يبغون يفرحون ببنتهم وهم ماطلبوا اكثر عن باقي الناس
اللي في وسطهم الاجتماعي .
بالنسبه للكوش والبطايق شي وحده والله ماعرف شو اسمها شي عضوات ينظمن هذا كله ان شاء الله تحصلين ويفيدنج
الله يسهل عليه اموره ويوفقه في زواجه.. ويسخرله اهل حرمته ان شاء الله
في ام القيوين الاسعار معظمها متوسطه مقارنه بالامارات الثانية " الشارجه ودبي وبوظبي" …
يعني قاعة العرس الي عندنا اسعارها معقولة وعندنا هنتين…وعلى حسب علمي وحده سعرها 25 الف والثانية 45 الف… تعتبر الي 25 الف رخيصة…
اما بالنسبه للأثاث فأنصح انهم يشترونه بعد من ام القيوين لانه وايد زين ونوعيته ممتازة ورخيص بعد… لان ايجارات المحلات رخصية… حتى انهم يعطون " شيكات مؤجلة" اذا ما كان يقدر يدفع كاش…يعني تقسيط…امممم وشو بعد اعرف بعد… بسويلج دعايا على مطبخ ام القيوين الشعبي 
… بصراحه هريسهم وااااااايد حلو … واكلهم ما عليه كلام… وطبعا معروفه مطاعم ام القيوين انه حلوة واكلهم لذيذ…
يعني بعد فكرة المطبخ الشعبي في ام القيوين حلو ورخيص بعد ….واهم شيء انه اكله لذيذ والكل بيستانس عليه… وما اوصيكم على الهريس
واذا حابه تسأليني عن ارقامهم او شيء انا حاضره وراسليني على الخاص… واتمنى اني اكون افدتج
ام الدويس
الغفلية
ماقصرتن
وفي انتظار البقية من الاخوات
في وحدة هنا اسمها sara1
تتعامل مع ناس تاجر الكوش وكوشهم صدق حلوة ورخيصة وهي تساعد المواطنين على حسب ميزانيتهم فان شاء الله بعطيج رقمها وايميلها على الخاص وفاله التوفيق والسعادة
مشكورة اختي الله يوفقج