قابلت طليقة ريلي !! رعاية الاطفال

اتمنى انكن تكونن بخير وصحة وعافية

قبل لا ابدى موضوعي القبلي "مضايجة من نفسي"

اشكركن على تفاعلكن وياي والله وايد نصايح نفعتني يزاكم الله كل خيرر
والي قالولي يمكن حامل رحت وكشفت للاسف كنت وايد متحمسة بس ماطلعت حامل ((حمدلله على كل حال))
———————————————————————————–

موضوعي لليوم ماعرف شو اسميه فضفضة وفيها وايد تساولات ولا شو …..؟؟

مـــاتوقعت بحياتي انه في ناس عندهم وقت فراغ انهم يلاحقون ناس ويسببون لهم الاذى

من اسبوع اخت ريلي وانا كنا نسولف وهي بشهرها الاخير ان شاء الله تولد بالسلامة ولاني وايد قريبة من عيالها لدرجه انهم احيانااا يرقدون عندنا واناا من طبيعتي قريبة جدا من الاطفالواحبهم وايد
فقالت لي ولدي ((كيجي)) مسويين عندهم بالمدرسه حفله مخرجينهم وهو من متى يصيح يباني اسير واشوفه واناا مب قادرة وقلت له انج انتي بتروحين اذا فضيتي عالاقل يستانس وانتي تغيرين جو

قلت لها فكرة حلوة واناا بصراحه ولدهاااا اموت فيه واحبه وايد وقلت له خلاص اكلم اخوج واستاذن منه ويصير خير ,, ريلي فرح بعد وقالي اوك وجهزت عمري هاك اليوم ورحت وكلمت معلماته وايد فرحانين قالولي الولد شاطر بس للاسف مااتلاقينا وياهله الا مرة وحده !!

عقب يلسناا وهو يقولي شفتيني كنت انا ويا فلان وفلانه قلت له هيه صورتكم وكنتوو حلوين وماما راح تستانس بالصور ماخلصت كلامي قعدت اعدل له قميصه الا شوي اشوف وحده يايه صوبنا تقولي انتي فلانه المغربية طالعتها قلت لها هيه نعم منو حضرتج
قالت لي انااا فلانه الي سرقتي ريلي مني !!!!!!!!!! عاد انا هني @@

للعلم ريلي قالي قبل كان متزوج بنت عمه ولمشاكل قوية وكبيرة ماقدرو يتفقون ويابعض وتطلقوو وعقب كمل سنه بدراسته وتلاقينا وصار نصيب يعني انااا لا كنت اعرفه ولاحتى شفته الاااا بعد سنة من طلاقه !!! وحمدلله انه فهمني بهالشي ولا كنت صج متوهقة بالموقف الي مريت به

نرد لسالفتنا

قالت لي اشوفج شده حيلج ومهتمه بطليقي وهله من كل صوب ها عشان رضاه ولا عشان _____
قلت لهااا الله يهديج اناا ماعرفج وماعندي وقت اضيعه ومسكت الولد ورحناا تخيلوو تمت تلحقني للسيارة وقالت لي فلان (زوجي) يحبني ويموت فيني بس حسبي الله عليج وعلى امثالج الي يفرقون اثنين يحبون بعض انااااااا هني ماسكت قلت لها الحب يبين بينكم والدليل انج كنتي اول شخص تخلى عنه بمحنته والخ هني هي انصدمت وشلت عمرهاااا وعيونها كلها شر تطالعني !!!

رديت اخت ريلي وخبرتها بالموضوع وقالت لي اناا قلت لهاا لانها من ساعه ماتزوج اخوي وهي تبا تشوف زوجته !!! وقلت هالطريقه بتفكني من حشرتهاا ماعرفت شو ارد ولا شو اقول
حاولت انسى الموضوع بس ماقدرت انسى فكرة انهاا يعني كانت تلحقني والا تبي تشوفني وبالاخير تجذب وتعق علي كلام ماااااااااااااااااااصار اساسا
لهالدرجه ناس فاظية !!!!!!!!!!!!!!
واخت ريلي صدق طاحت من عيني بعد هالموقف ماعرفت شو اقولها ولا حتى شو اقنع نفسي عساس ماكارهها بس تصرف بلاوعي او تصرف غبي منها وعذر اقبح من ذنب !!

طبعااا ماخبرت ريلي واخاف الكلام بوقت يطلع مني من دون ماحس من كثر مافكر فيه وقلت اكتبه !!!
منو الغلطان وشو ذنبي انا وشو هالعالم !!

سمحولي عالاطاله وعالكلام الغير منسق بس احتاج اني اكتب !
دعواتكم

غاليتي

واثق الخطـــى يمشي ملكـــا

انتي لا تحطين في بالج شي

أهم شي رضى رب العالمين ^_*

اذا انتي عارفــة اساس زواجك من ريلج

وما خطفتيه من حد هو اصلا كان هذا قراره الشخصي

ومحد يغصب الريال بالخصوص على شي

فما عليه اختي الكلام الي يدش من صوب ,, طلعيه من صوب

وريحي عمرج

لإن اذا تبعتي كلام الناس ..

قلبج بينترس آلم وحزن ><

وادعيلها هي الله يهديها ويرزقهـــا الريال الصالح الي يشغلها عنج

وفي نفس الوقت اعذريها

الطلاق مب شي سهل خاصــة حق الحرمــة

كلنا نعرف ان الطلاق ما يي من الفاضي

بس بعد ما يستوي أكيد نفسيــة الانسان تتأثر به ..

فاعذريها وسامحيها ,, واكسبي أجر فيها

وربج كريم ^_^

منهااا وربي يسعدج ويخلى لج زوجك

الله يرزقج الخلف الصاالح ويسعدج دنياا وأخرة فديتج

المشاركة الأصلية كتبت بواسطة bellegirl

غاليتي

واثق الخطـــى يمشي ملكـــا

انتي لا تحطين في بالج شي

أهم شي رضى رب العالمين ^_*

اذا انتي عارفــة اساس زواجك من ريلج

وما خطفتيه من حد هو اصلا كان هذا قراره الشخصي

ومحد يغصب الريال بالخصوص على شي

فما عليه اختي الكلام الي يدش من صوب ,, طلعيه من صوب

وريحي عمرج

لإن اذا تبعتي كلام الناس ..

قلبج بينترس آلم وحزن ><

وادعيلها هي الله يهديها ويرزقهـــا الريال الصالح الي يشغلها عنج

وفي نفس الوقت اعذريها

الطلاق مب شي سهل خاصــة حق الحرمــة

كلنا نعرف ان الطلاق ما يي من الفاضي

بس بعد ما يستوي أكيد نفسيــة الانسان تتأثر به ..

فاعذريها وسامحيها ,, واكسبي أجر فيها

وربج كريم ^_^

كلامها صح