شحالكن خواتي عساكن بخير
انا بديت رجيم واول يومياتي كان اليوم ومحتاجة التشجيع منكن
يعني اي وحدة حابة تنضم معاي ماعندي مانع بس بشرط تكون جادة
انا طولي 165
ووزني 151.4
يومياتي لليوم الاول
الافطار كان كورن فلكس k ويا حليب قليل الدسم
الغداء كان 7 ملاعق عيش ابيض مع روب قليل الدسم بالخيار+كوب زهورات
والعشاء كان نص سمونة سمرة مع خس وزيتون ودياي مشوي+ كوب زهورات
شربت ماااي بس هب وايد
سويت رايضة مدة 45 دقيقة 30 دقيقة مشي
15 دقيقة ع السيكل
واتمنى انكم تشجعوني
والسموحة منكم
نحن بخير وسهاله
الله يوفقج وييسر لج أمرج
وإن شاء الله توصلين للي تتأملينه
عندي مجموعة نصايح اتمنى إنج تعملين بها
أول شي لا تندفعين وايد و لا تتحمسين وايد
لأنه مع الأيام بيخف الحماس
فلو تبدين بشويش .. و تخفين فالأكل فالبداية .. و عقب تلعبين ربع ساعة
و مع الأيام تزيدين يكون أفضل ..
لأنج لو بديتي بأشيا وايدة .. بتحسين نفسج مليتي
وسويتي كل شي ..
أما لو تبدين بأشيا خفيفة .. بتستمعين .. و بتكملين و إنتي متونسة بهالشي
ثاني شي .. لا تقطعين كل الأكلات مرة وحدة
فالبداية خففي من الأكل .. أكلي الصبح وخففي فالليل
وخففي من الدهون .. ومع الأيام بتحسين إن أكلج صار صحي وما تحتاجين لأنظمة ريجيم و غيرها
ثالث شي .. حاولين تقرين فالنت عن فوايد الفواكه و الخضرة
و دوري اللي تحتاجين منه لجسمج .. وحاولي تاخذين فكرة عامة عن الأكلات
و نوعي فيهم و تونسي في طبخ الأكلات اللي ما تحتوي على سعرات حرارية عالية
وحطي في بالج ( إذا كان مجتمعج ما يشجع الأكل الصحي ) إنه لما تاكلين غير عن الأكلات اللي ياكلونها اللي فالبيت
بتكونين متميزة عنهم .. و مهتمة في نفسج أكثر عنهم
اتمنى لج التوفيق
و إن الله يعينج و يصبرج و ينولج اللي تتمنينه
و اعرفي إن ما في شي مستحيل
يا كثرهم اللي كانوا من أوزان عالية وايد
ويعانون من أمراض و غيره
وصاروا يصحة و عافية و وصلوا للجسم اللي كانوا يتمنونه
موفقه .. و السموحه منج
بالتوفيق :: بالتوفيق :: بالتوفيق :: بالتوفيق ::
للرفع الغالية :: للرفع الغالية :: للرفع الغالية ::
وتوصلين للوزن المطلوووب
مي تو بآجر أول يوميـآتي و حطيت موضوعي .. وربي يوفجنـآ جميعــا ^^
ثآبري هع هع