في المطار في الامارات

السلام عليكم ورحمة الله
خواتي العزيزات عندي استفسار
مقدمه:-
بما ان المطارات في الأغلب تكون كبيره وايد وتمشون فيها وايد يا ترى شو نوع الأحذيه اللي تلبسونها وانتوا سايرين المطار في يوم السفر ، طبعا هاليوم ما له داعي تكشخين بنعال أنيق بو كعب منغاز وطق وطق وطق في أرض المطار والا العواقب وخيمه أهون أهون شي ان ريلج بتعورج من كثر المشي بها النعال
أحين ندخل في الموضوع:-
بما ان سفرتي اذا الله راد لأوروبا في 19 ابريل يعني احتمال كبير ان الجو عندهم يكون لا زال بارد ما أدري اذا بارد جدا أو بارد بس لأني ولا مره سافرت في هالوقت من السنه
في العاده أنا ألبس نعال مريح في يوم السفر لا بو كعب عالي ولا سطاحي علشان ما أتعب من كثر المشي ( لاحظوا نعال مب جوتي) لأن أغلب السفرات تكون في الصيف
لكن في حالة ما اذا الجو كان مائل للبروده اذا لبست نعال طبعا جونا حاليا حار بوصل هناك تخيلوا لابسه نعال وجاكيت مال البرد (مول مب شي) بقولكم أنا شاريه جوتي رياضي حق المشي في السفر بس أشوف مب حلوه ألبس جوتي رياضه في المطار (يخرب الكشخه)
والا انتوا شو رايكم وشو تجاربكم في هالموضوع
ودمتم سالمين

البسي جواتي مريحه المسطحه احسن لج وبترتاحين اكثر فيها

اهم شي تلبسين نعال مريح مب اول مرة تلبسينه يعني لابستنه قبل وماشية فيه مسافات ومجربتنه

انا احب نعول شول scholl تلقينهم في الصيدليات رغم انه موديلاتهم مب حلوه لكنهم مريحين في المشي

وفي نقطة ثانية مهمة جدا غير الاحذية اللي هي الملابس

اقل شي الرحلة في الطيارة ٦ او ٧ ساعات غير اليلسة في المطار واحتمال تاخذين باص او قطار او سيارة وتمشين مدة ٤ ساعات يعني اكثر من ١٠ ساعات مشي وانتظار بنفس الملابس

فارجو الاهتمام بعد بنوعية الملابس واسمحي لي دخلت موضوع ثاني ويا موضوعج بس مادام انه موضوعج عن السفر ياريت لو يكون موضوع متكامل عن اللبس المريح والنعول المريحه ويتثبت الموضوع لانه فعلا موضوع مهم ومميز

ولج مني اجمل تحية صباحية واحلى وردة حمرا

كلامج صحيح بس المشكله يوم أقايس الجوتي في المحل يكون مريح بس بعدين يوم ألبسه لفتره أطول يعور صبع ريلي والا يكون راص على الريول أحس ريولي ما يناسبها أي جوتي
شكرا على المشاركه

أهلين فيج الغاليه وبمداخلتج
فعلا الملابس المريحه في السفر لها أهميه كبيره في الموضوع
شكرا على المشاركه وانشاء الله باقي الأخوات بعد يفيدونا

جربتي جواتي MBT

up up