1. اول ما اتيني الشغاله أخليها يوم ترتاح و ما أصدعها بالمحاضرات ، أخليها تشوف الجو و البيئه.
2. اجهز جدول بالمهام المطلوبه منها و اسوي منه نسختين و نسخه من جدول توقيع استلام الراتب الشهري.
3. وقت المحاضره ازقرها و أبدا بالحديث معاها
4. أعرفها شو حقوقها: الاغراض اللي بييبها شهريا و بناء عليه مابا أشم ريحه و أمدحها بنفس الوقت و أقولها انتي مبين عليج نظيفه بس بعد أحب أعمم و أذكر .gif "12 (62)")
5. الراتب بتستلمه شهريا بدون تأخيرو أوديها تحول اذا حبت و هذا حقها و أضمن حقي بأني أخليها توقع على ورقه مكتوب المبلغ اللي استلمته.
6. التلفون مب من أول يوم أعطيها، في البدايه أخليها تركز في البيت و أختبر سلوكها اذا هي لعابه ولا ماشيه سيده و عقب لما ارتاح اعطيها
7. بعدين أخبرهم شو طبيعة أطفالي و كيف سلوكهم و شخصيه كل حد لو انهم أطفال بس ضروري تعرف شخصيتهم عدل عشان تعرف كيف تتعامل معاهم و كيف تتصرف في حالة صار شي، مثلا اقولها هذي عنيده و اتينها بالكلام و عشان انتي ترتاحين و بنتي ترتاح لاااااااااااااااااازم تشغلينها بأي شي، لعبه او رسم او تلوين او تلفزيون المهم مب تخلينها تمل. الطفل لازم ينشغل عشان ما يلعوزج،بنفس الوقت اذا صدر من عيالي سلوك مب زين و اتكرر خبريني انا بتصرف وياهم
8. اي شي يصير داخل البيت ممنووووووووووووووع منعا باااااتا يطلع برا ، ان شاء الله لاختي ، و مسيري بعرف اذا طلع شي، خلي الثقه موجوده عشان احبج و تحبيني ، مثل ما انتي محتاجه الشغل انا بعد محتاجتنج ، بس بعد في نقطه لازم تثبتين لي انج زينه عشان ما ازعل منج، انا ما احب اغصص بعمري او اتحمل شغاله تتعمد الغلط، بسامح كمن مره و عقبها بتصرف ( و ما اقول التصرف) و بنفس الوقت اقولها اذا عجبتيني بكافئج ( أسلوب الثواب و العقاب) .gif "12 (42)")
9. أي شي يضر بيتي او يضر أهلي ضروري أعرفه ، اللي بينا بتكون عشره، انتي بتكونين صديقتي، و انا اعتبرها خيانه انج تعرفين شي و ادسين علي و تقولين ما يخصني، موووووول ما راح اقبل انج ادسين علي، بنفس الوقت انا اعرف اتصرف و بكافئج على امانتج و مصارحتج لي.
لاحظوا لين الحين ما طريت شي يخص الشغل.gif "12 (81)")
هذي نقاط أساسيه لااااااااااازم اتاكد اني غطيتها
10. زوجي ما تتكلمين وياه بأي شي الا اذا سألج ردي عليه و بنفس الوقت مفهمه زوجي ان تعاملي انا اللي يكون مع الشغالات ( لا تتدخل) ، حتى لو شي ناقص دقي لي تلفون لو انا محد بس مب تتكلمين وياه. بس طبعا ما اقولها بأسلوب دفش ، اقولها الحرمه تتكلم ويا الحرمه ، عيب تتكلم ويا الريال
11. و نحن فوق ماباج اتمين طالعه نازله علينا يمكن بابا منسدح مب زين عيب عندنا، تعرفين مب حلوه ( شوية شده) و عشان ما تتحجج لي بأغراض اليهال انا مسويه غرفة الالعاب تحت و محطيه ملابس سبير تحت ليوم واحد ( كل صبح تنزل الثياب اللي بتبدلهم خلال اليوم)
12. ثيابي و ثياب بابا خليها لي برا و انا بدخلها في الكبت ( ما حب تبطل و تطالع و يشتغل الحسد) و اقولها انا اعرف كيف احط و وين اقسم ثيابي انتي ما بتعرفين و بصراحه مووووول ماله داعي تبطل الكبت و عقب اذا بغيتها تنظف لاااااااااااازم أكون موجوده بالغرفه و من أطلع أقفلها بالمفتاح
تعببببببببببببببببببت بكمل عقب بالنسبه لتقسيم المهام
انا حسيت القسم صار كله مشاكل و مافيه شي عن فنون التعامل مع الخادمات ، قلت خل أشاركم تجربتي و ان شاء الله تستفيدون
بالتوفيق