خواتي في محل رهييييييييييييييييييييييب في لبنان راعيته مصممة لبنانية تصمم فراش و كفرات غرف نوم رهييييييييبة و الله الصور جدامي انبهرت ابهن بس للاسف ما عندي سكانر .
مدخله الشرايط و الدانتيل الفرنسي و الشبك و الشوارفسكي
و بعد فيه صورة منز لبنوته يجننننن ؟
الصراحة اتخبلت عالفكرة مع ان الطقم الواحد شكله يكلف الكثير بس في ناس تحب الفخامة و التميز
شو رايكم بهالمشروع و هل تحسونه بينجح في الامارات و لا المحلات الموجودة تكفي .
اللي تبا الصور بتلاقيها في زهرة الخليج هالاسبوع
بانتظار رايكم
بس لو اسعارها تكون ارخص من اللي فالبلاد بيكون اقباله اكثر لنه مب الكل يروم عالغالي بس اهم شي الكوالتي تكون اوكي
الغالية مب شرط يكون عندج سكانر صوري الصورة بالموبايل ونزليها على الكمبيوتر وحمليها عقب اسهل عسب ناخذ فكرة ان شا الله ,,, وبالنسبة لنجاح الفكرة حبيبتي اول شي في مثل هالنوعية من المشاريع تكون النوعية اوكي ,, ثاني شي السعر اللي يكون مناسب للنوعية مب اييب شي جوة ما شي الحال واحط عليه سعر نار ,, الجودة لازم تكون مساوية للسعر المقترح ,,, وللاسف مع الغلا اللي نعيشه صارت الجودة مب اول شي صار السعر هو اللي اي شي يعني اللي يحكم نجاح والا فشل اي مشروع موجه للطبقة الوسطى في المجتمع ( الطبقة اللي ماكلة تبن من الغلا )
على العموم الغالية انتي حددي بالضبط لاي طبقة تبين تعرضين بضاعتج للطبقة الغنية والا الوسطى والا الفقيرة وعلى هالاساس شوفي النوعية المناسبة والسعر المناسب ,,, بس حطي في بالج ولا طبقة من هاي الطبقات الثلاث يعيبهم العجب ولا الصيام في رجب يعني الثلاث التعامل معاهم صعب ,,,
والله يوفقج وييسر لج الخير ان شا الله دنيا واخره
@ اختكم في الله @
لو كان برخيص بتشوفين الاقبال عليه كبير