اممم اليوم بحطلكم فطاير خفيفه للريوق .. مافيها شي مميز
اختي طلبت مني البارحة انها تباني اسويلها لانه ربيعاتها في السكن طلبن منها
لانه عندهم رحلة لبوظبي وقالن لها انتي من العين وفخاطرنا ريوق بيت
وانا من الفير سرت اسويلهم … وبالعافية عليهم يارب … وان شاء الله تعيبهم
الفت عجينة مستوحاة من عجينة العشر دقايق
او فينا نقول عجينة العشر دقايق مع تعديلات بسيطة .. عشان مانسرق فكرة صاحبة العجينة
الله يجزيها الخير وين ما كانت 
ويوفقها
وعجينة العشر دقايق في هالصفحة مع تطبيقاتي
https://forum.uaewomen.net/showthread…33#post1133533
لكن انا غيرت فيها .. وانا سويت مقدارين .. يعني الكمية مضاعفة
المهم
حطيت الخميرة .. والسكر .. والحليب الدافي وخلطهم
وعقب حطيت مقدار الطحين كله .. وخلطت وزدت عليهم الزيت وخلطت
وزدت عليه علبة رمبو … وخليت العجينة تتخمر ربع ساعة
وهاي العجينة عقب ماتخمرت … وكل ماخليتها تراها بتنتفخ وتتخمر .. والاحسن انج اتغطينها
خذت العجينة ومديتها مثل اللي بالصورة .. وحطيت عليها زعتر
وهاي عقب ماطلعت من الفرن ..يعني استوت
ومجموعة ثانية بالاجبان اللي بالصورة …
جبن شيدر مبروش .. وجبن ابيض بالحبة السودة ..
وجبن بالمكدوس ماخذينها من القرية الفلسطينية
وكنت بسويهم كلهم كرواسونات
لكن غيرت رايي .. والحمدلله انه البشاكير نشن يساعدني .. وحده تشوف الفرن .. والثانية حشت بال.. ماعرف اسمه بس بتشوفون الصورة
ها بالشيدر
وهاي بالمكدوس … وقصدت بالشي الابيض اللي نحط العدينة ونحشيها وتطلع بهالدزاين .. ماعرف اسمها افف
وهاي حشيتها بالجبن الابيض بالحبة السودا … ماخذتنها من السفير ( الزعفرانه .. صوب الاجبان واللحوم)
وهالشكل النهائي السريع .. لانه اختي كانت بتسير الجامعة
وسويت لبنة بالزيتون … وجبن شيدر بالزيتووون
وهاي صورة صورتها لبيتزا سويتها لربع اخوي ..وقلت احطهم دام مع المعجنات لول
وخلاص حطيتها في صحوووون الالمنيوم
وان شاءالله موضوعي المتواضع عيبكم .. ودعوة منكم تسعدني وتفرحني
وشاكرة لكل من يشرف موضوعي
الله يحفظــج لأهلـــج
المشاركة الأصلية كتبت بواسطة القمزية 
الله يحفظــج لأهلـــج
تسلمين قمزية عالدعوة الحلووووووة والكلام الحلوووووو
والله يحفظج لاحبابج ويحفظلج احبابج وخلانج
انا وايد احب المعجنات