بسم الله الرحمن الرحيم
هاذي عجينه فطاير دايما انا اسويها طعمها لذيذ
المقادير
3 اكواب طحين
5 ملاعق طعام حليب بودره
4 ملاعق طعام سكر
ذرة ملح
واحد وربع ملعقة طعام خميره فوريه
ثلث كوب زيت
بيضه
ثلاث ارباع كوب ماي ( وممكن كوب كامل لوكانت ناشفه )
الطريقه بالصور
نخلط النواشف مع بعض
نخلط الزيت والبيضه مع بعض
نضيف الزيت والبيضه على النواشف ونعجن
نتركها لين تخمر يمكن ساعه وربع
لو كانت لينه نضيف شوية طحين عشان نقدر نشكلها ( انا ما شكليتها خليتها مدوره كبيره )
عقب نشكلها في القالب بهالشكل الموضح بارتفاع عالي شوي
نجهز خلطه عباره عن جبن حلوم مبشور مع بقدونس وشوية زيت زيتون
ونحطه على العجينه المفروده با لشكل الموضح بالصور ( للعلم هاي الطريقه ممكن تسونها
غير ونتايجها افضل شكلو العجينه على شكل دوائر بارتفاع 2 سم وحطو الخلطه في النص
مع ترك الاطراف تطلع روعه
بعد الفرن
خلطه ثانيه عباره عن بيض وزيتون وجبن مبشور ( شيدرز ) اخلطوهم مع بعض
حطو الخلطه السابقه على العجينه مع اضافة جبن موزيلا عليها وزعتر بري للعلم لا تتركون فراغ على الاطراف عشان ما تنزل الخلطه تحت
وصلنا للتقديم ( قطعوها شرات البيتزا مثلثات )
وشكرا جزيلا لكل من تزور او ترد على موضوعي
طبقي المقبل
باستا بالكريما
وهاذي صوره منه
شو ناويه علينا اشوفج ههههههه
ماشاءالله اطبااقج وايد تعيبني
شكرا فديتج
المشاركة الأصلية كتبت بواسطة الحب الاول 
شو ناويه علينا اشوفج ههههههه
ماشاءالله اطبااقج وايد تعيبني
شكرا فديتج
ههههههههه
ناويه اخليكن رشيقات
تسلمين حبوبه على التعليق الحلوو
تسلم يدج
دايم من اشوووف مواضيعج اشوفهن اول شي متميزه بمواضيعج ومشاركتج
الى الامام ولاتحرمينا
تستاهلين كل التقدير
ويستحق التميز