عوارض الحمل قبل موعد الدوره للصحة

السلام عليكم خواتي انا حاليا والله الحمد حامل هذا الشهر بس بخبركم شو العوارض اللي يتني وكنت احس فيها قبل موعد الدوره….قبل موعد الدوره بعد التبويض وانفجار البويضه بكم يوم اولا ياني شبيه للأسهال بس بشكل طبيعي مدة ثلاث ايام بعدين رجعت طبيعيه وبدت الالام من تحت السره مثل التمزق قبل شوفو خواتي لين الحين ما ياني الم الدوره ابدا وتميت على هذا الوضع المهم قبل الدوره بأسبوع كنت يالسه في الصاله ياني الم في بطني وكل ما اوقف ادوووخ ارجع ايلس وتم راسي يعورني واااايد قبضني صدااااااع وحتى وانا يالسه الدنيا أدور فيني هذا قبل موعد الدوره بأسبوع …المهم كان على وقت العشاء وبعلي كان رايح يصلي ايه نسيت اخبركم قبل الصداع بيومين زجمت وااااايد وتعبت رحت الدكتوره وعطتني ادويه وبعدين تم ايني صداع بس في هذاك اليوم الصداع فرتكني فكنت اكلم اختي واقوللها شو فيني قالتلي يمكن حامل قلتلها لا ما اظن حتى الحمام وانتو بكرامه كنت ما تردد عليه وااااايد كان عادي من بعد الاسها ل بندت عن اختي بغيت اوقف ما قدرت يتني دوووخه مره وحده غريبه خبرت ريلي وهو رايح يصلي ايبلي تست فقالي اوكي ويوم يابه من دون ما اخبره سويت التحليل وشفته على السريع ماطلعلي شيء وطلعت من الحمام وقلت بخاطري خلني اشوف التست مره ثانيه شفته طلع الخط الثاني استغربت وفرحت واليوم الثاني كررت الموضوع طلع الحمدالله حمل بما انه الموجب كان خفيف تست كلير بلو طلعلي الصوره ج بصراحه فرحت بعده بيومين تمت ايني الم الدوره اروح الحمام وااااايد والم الدوره فرتكني وطول فترة الدوره 28 يوم قلت يوم بوصل 28 يوم بسوي تست الحمل مره ثانيه المهم تعبت رحت الدكتوره خبرتها فيني الام الدوره بس ما تنزل ما قلتلها سويت تست الحمل شافتلي في السونار قالت ما ادري يمكن حمل بس الحين في السونار ما يوضح بس تمت قاعده وتشوف تقول الرحم عندك متضخم انا شاكه 99% حمل لازم الحين تسوين تست البول في المختبر قلتلها اسوي الدم قالت لا لانه شكله حمل وبيظهر بسرعه وسويته طلع حمل والله الحمد
فاخواتي السموحه طولت عليكم بس قلت اخبركم بتفصيل وبتدرج حتى تعرفون متى اتيي الام الدوره شو من العوارض اتي وحده عن وحده تختلف بس حبيت افيدكم…..

ملاحظه نسيت اخبركم في هذي الفتره ما يكون لج نفس للجماع ابدا جسمي كان يوم واحد متكسر علي وما احب حد يلمسني ابدا واتمنى اكون فديتكم…وما اطلب الا دعوه حلوه والله يثبتلي حملي ان شاء الله..

ألف مبروك

الغاليه انا بعد جسمي كان يعورني ومتكسر علي بس نسيت اكتب هذي النقطه كان جسمي من كثرما هو متكسر علي ما احب حد يلمسني وان ن شاء الله الغاليه تكونين حامل اختي تركش

كل شهر تييني نفس الاعراض وفالنهااايه تشرف الحبيبه…… اهئ اهئ اهئ

الله يثبت حملج يا رب

الف مبرووك على الحمل .. الله يثبت لج ان شاء الله و يرزقج الذريه الصالحه و يرزق الجميع ان شاء الله ..