الموضوع يقول
في وحده اعرفها عدل المسكينه كاشخه في مكياجها اول ليله
وكان مكياجها من النوع الثقيل بس عاد مو حيل ثقيل مثل اللي اشوفه في بعض العرايس لا يعني وسط نقدر نقول
بس ماشاء الله عليها كانت قمه وروعه في الجماااال لا اله الا الله والمكياج محليها اكثر
واول ليله واهيا تصور مع المعرس يوم خلصوا من التصوير واهما في غرفتهم الخاصه تتوقعون شنو قالها المعرس
قالها عدلي شعرج وتغسلين مكياجج شكلج كأنج رجل فضاء
امبيه البنت تقول انصدمت بغيت ابجي والا اهيا ناويه تنام بمكياجها المسكينه
وعاد اهيا الحين تتذكر السالفه وتضحك مع زوجها
==================
فحبيت انبهكم بنات على هالشغله
الحين
وانتوا بنات اشرايكم عطونا تجاربكم ورايكم عشان العرايس يستفيدون؟
=======================
وللأمانه الموضوم نقلون عن الاخت مزيونه وشقره من إحدى المدونة
الله يعين الجميع
للرفع
انا من وجهة نظري مب حلووو الوحده تحط ميك اب ثقييل وتغير من شكلهااا 180 درجه حتى لو طالعه حلوووه حلات الوحده بطبيعتهااا
انا في ليلة عرسي ما حطيت ميك بك ثقيييل حطيت خفيف بس كشخه وراااااقي وايد من خبيرات التجميل يتموون يلحون عليج اونه لا لا انتي عروس انتي عروس لازم تحطين ولازم تكونين غير عن الكل .. ما عندهم سالفه…
انا حتى الرموش التركيب ما كنت بحط بس تم الكل فووووق رااااااااسي لازم تحطين شكلج بيطلع احلى وما ادري شووو وحطيت
وريلي وايد عيبه لانه هووو يحب الميك الخفيف وما غير من شكلي ابداااا والحمدلله حتى رقدت بالميك بس لو كنت حاطه ثقيل بضطر اني اغسله
والله يوفق الجميييييييييييع يارب
بعدني عزبا ..
ادعولي يارب ايني نصيبي
———————————–
الصراحه الميكب الثقيل مب حلو وع فكره حلات البنت بدون ميك اب اكثر برائه
انا بالنسبالي ما احب احط ميك اب الا فالمناسبات ولا بعد خفيف
وان شالله لو ياني نصيبي بسوي خفيف باذن الله
دعواتكم خواتي
الله ايوفق الجميع
مشكوره الغاليه ع الموضوع 