أنا و ريلي وايد تستوي بيننا مشاكل ، و أنا ما أتحمل حد يعصب علي لازم أرد و أطول لساني و مرات أقول كلام ما ينقال و أسب سباات قويه ما تنطرى موووول =(
المهم كل ما هو يرفع صوته انا أرفع صووتي أكثر ،،،
قبل فتره راجعت نفسي و قررت اني أسكت و أتم ساكته لين ما يخلص و يهدا عقب أكلمه
بس ما قدرررت !! حزة الضرابه أحس الشيطاان يوووقف جداامي أنسى كل شي و أقلب الدنيا و أقول كل شي بدون ما أحاسب ولا أحس بعمري !
هالطبع فيني من صغري حتى ويا اهلي فالبيت امي تعرف هالشي فديت روحها يوم اكون معصبه أصارخ و اقول كلام ما ينقال عقب كلهم ينسوونه لانهم يعرفون اني ما أقصد …
بس ريلي شرحتله اني جي اقول اي شي يوم اعصب .. لكنه ما ينسى و يتم في خاطره
من غير العناااد الي فيني ماعرف شو أقولكم ، أعانده عالدقه لانه يحاول يتحكم فيني و انا ما أحب حد يتأمر علي أو يلغي وجودي !! مستوي يتخذ قرارات بالنيابه عني ! و يبا كلامه الي يمشي دوم !
تعبت من الصراع النفسي !! و دائما أقوله لا تتأمر علي و لا تتحكم فيني انا لي شخصيتي و أعرف أتصرف !!
هو وايد مسيطر و أنا وايد عنيده و عصبيه،،، هالشي مسبب مشاكل كبيره في علاقتنا
خواتي المتزوجات عطوني من نصايحكم و خبراتكم كيف أتعامل مع هالمواقف
انا بعدني مالجه و أبا الأمور تمر بسلام
و مشكورات مقدما…
فترة الملجه كانت تقريبا سنة نحن من هال12 شهر 10 شهور ضرايب وزعل
وكل واحد فينا يهدد الثاني بالانفصال خخخخخخخخخخخخخخخ
كنا نتحسس من بعض وايد
وريلي كان مزاجي وعصبي وايد وهالشي انا يجلطنيييي ويخليني اطنقر
وفعلا كنا نوصل لمرحلة اننا نسب بعض سبات قوية ونتم بالايام ما نكلم بعض ولا نتشاوف
والحين عرسنا وتغير الوضع 180 درجه سبحان الله 
اقول حق ريلي احس مب انت اللي كنت اتدافن وياه قبل لووول
نيلس نضحك على خبالنا فترة الملجه
ونادر ما نتضارب صح في اختلاف في الطبع ووجهات النظر بس يوم تعيشين ويا ريلج في بيت وواحد وفي غرفة تلمكم وتصبحين وتمسين بوجوده تحسين هالحساسيات تزول بالتدريج وبتتعودون على طبايعكم
انا ريلي كان مزاجي + عصبي + متسلط + يحب السيطرة + لسانه يقطر سم يوم يعصب ><"
بس الحين فرق السما عن الارض
حبيبتي اللي يستوي لج شي طبيعي يوم بتعرسين وبتعيشيون ويا بعض بتتكيفون مع حياتكم اليديدة
الله يوفقكم ويهنيكم يارب =)
اختلاااف اطبااع الزوجين 00وعدم التعود ع بعض ينتج عنه مشااحنات
لكن مع الوقت وتدريب النفس والتجاارب الي بتمرون فيهاااا
هذاا كله بيخلق فيكم مرووونه وكل وااحد فيكم بيتفهم وبيعرف الثاااني حبوبة
المهم انه كل واااحد من الزوجيين يعرف حقووقه وواجبااته والاحترااام المتباادل
وحطي نقطه مهمه في باالج وفهمي ريلج – الحيااة الزوجيه موده ورحمه وحب واحترااام
وتعاااون ^_*
الله يتمم لكم ويسعدكم عنوووني
غاليتي
الزواج أخذ وعطى
ويوم لج ويوم عليــج
الزواج يحتاج طولـة بال وتضحيـة
ومافي شي اسمه أنا جي أنا عصبيـــة لا أختي ..
الوقت يتغير فما بالج الإنسان
إذا تبعين تغيرين من طبعــج للأحســـن تقدريـــن بس هل انتي صدق تبغين
هل انتي مستعدة للزواج والمسؤوليـة الي فيه
هل مستعدة مرات تتنازلين في سبيل ان الأمور تعدي على خير
^_^ !
العصبية تدمر العلاقـة الزوجية
والعناد يزيدها دمار ودمـار
الريال يحب كلمتـه تمشي
وحتى لو ما مشت على الأقل خليه بذكائج يحس انها تمشي^_*
لا تعاندينه وتتعالين عليه لإنها مب قوة أختي بالعكس
ضعف من الإنسان انه يفقد سيطرتـه
وضعـف للمرأة انها تكون شديدة وقويـة وتتعالى على الريال
أنوثة المرأة في طيبتها وحكمتهـأ وأهم شي طولـة بالها وصوتها الي مثل النسمـة
واطلبي العون من رب العالمين
وراجعي نفسج الزواج مب خطوة هينـة
وادخلي دورات تدريبية واقري اقري اقري
وشي مهم اختي لا تحاولين تحكمين عليه لا حاولي تتفهمينه وتعذرينـه^_^
مهما كان انتم بعدكم ماشي عشرة بينكـم والمشاحنات بتستوي لكن الإختلاف في طريقـة تعاملج معاها
ورب العالمين وياج ^_^
ربي يسر أمورج