علاج الالتهابات لصحة الجسم

السلام عليكم ورحمة الله

سمعت عن فايدة الرمان في علاج الالتهابات فهل هالشي صح وكيف الطريقه يعني شو اسوي بالرمان

ويزاكن الله الف خير

تفورين قشور الرمان وتغتسلين به,,,هذا اللي اعرفه^^

ماعندي فكره ….. ان شاء الله البنات يفيدونج

انا سمعت انه الرمان يضوج المنطقة؟ مادري عن الالتهابات.

بس اليح زين لانه مدر للبول .. و الماي بعد اشربي وايد.
اذا انتي حامل و اتحسين بحرقان و اعراض متعبة لازم اتسيرين تأخذين مضاد لانه يأثر على نمو الجنين _اذا كان التهاب حاد طبعا

ما أعرف بس احيد الرمان يستخدونه بعد الولاده للتضييج .. ما جربته شخصيا ^^
وأنصحج اذا كنتي حامل ما تستخدمين اي شي ممكن يضرج او يضر البيبي وسيري العياده احسن ^^
و كثري من الماي تراه علاج لو انه مفعوله بطيء ^^

والله يشفيج ويشفينا ^^

صح

و على فكرة لا تستهينين في التهاب بسيط ..
مثلي انا !

كنت اقول عادي بشرب ماي و بيروح .. بس كنت اشرب بيبسي و اورنامين سي بكثرة و مول ما اشرب ماي.
و بعدين بديت احس اب الم صوب الياسر. و فوق هذا كله البس مرصص.

و يوم سرت سويت تحليل قالتلي .. انتي عندج التهاب شديد و انتي مب حاسه ! و بعد قلت جذب .. هاي ما اتعرف شي ..

و يوم سويت سرج في قوقل .. طلع انه الالتهاب البسيط ممكن يأثر على الكلى و يوصلج لمرحلة انج تحتاجين مضاد عشان تتخلصين منه.

فنصيحتي لج .. خلي دبة مسافي حذالج (الدبه العوده) و كل اشوي اشربي .. اغصبي عمرج. و ال شي الثاني
هو .. لا تلبسين ملابس داخلية ما اتكون "قطنية". لازم قطن. و اشتري اللي شرات ال carefree اتغيرين كل ما اتسيرين الحمام.