حبيت احط لكم موضوعي الثاني …. افيدكم وتستفيدون منه إن شالله …
وأي استفسار أنا حاضره ..
للعلم …. الصورة عليها اسم وهذه اسمي في مدونة ثاني والحقوق محفوظة لي إن شالله
عشانا اليوم كان عبارة عن شاورما دجاج … وكانت هناك اطباق جانبية بحط لكم صورها عقب ما انخلص من تقديم الشاورما ..
هيا لنبدأ …
كيفية تحضير شاورما الدجاج ….
طبعا لازم انودن الدياي في الخلطة اللي بنعرضها لكم … ولازم انسويها قبل بيوم … واليوم الثاني انسوي الشاورما …
اول شي نقطع الدياي شرايخ او قطع صغيره ونغسلهم طبعا..
نحط مقدار من ثلاث إلى أربع ملاعق كبيرة روب ..
ندق 4 فص ثوم مع حبة زنجبيل وانحطه عالخلطة …
انحط البهارات التالية : ( كل بهار مقدار ملعقة طعام كبيرة ) ريحان + كركم + بهارات تندوري + ملح الليمون + زعتر
وكوب صغير خل .
نخلط المكونات كلها مع بعض … وانخليها في الثلاجة لمدة يوم كامل …
يتبع
^_^
طبعا في اليوم الثاني نقوم بالخطوات التالية :
انظهر الخلطة من الثلاجة وانحطها في الطااابي وانسخنها لين ما ينشف الماي اللي فيها …
وانخلي الخلطه تستوي لين ما ينشف الماي اللي عليها ويستوي شكلها جي … وانحط حبة ماجي .. ونخلطها لين ما تذووب..
وانضيف الزيت اشويه لأنه بيكون ناشف ..
وانضيف البصل
وانحط بهارات تندوري مقدار ملعقة صغيرة
انحط الطماط …
انحط كزبرة مقطعة .. ونخلط كل اللي ضفناه مع بعض …
انيب خبز وقافي وانحط فيه حمص ( والحمص صنع منزلي ) ..
انحط الدياي…
انحط البطاط المقلي ..
انحط المخلل ونقطعه شرايح وانحط والخس..
واخيراااااااااااااااااااااا تتتااااااااااااااااااااااااااااااااااااااااااااااا ااااا …. المشهد الأخير
وهذه طبق ثاني عبارة عن باستا بصلصة الباستا الخاصه مع صلصلة البيتزا وكانت وايد لذيذه
وهذه طبق جانبي عبارة عن سمبوسة بالخضرة
وهني وعافيه …..
تسلم ايدج..
بارك الله فيج
وحياج