خواتي لقيت هالعجينه السريعه والسهله في نفس الوقت في احد المدونة
قلت بجربها وهي بالفعل ….روعه….
وسميتها عجينة الطوارئ…..
لانها بالفعل…..تصلح لوقت الازمات….واذا يوكم ضيوف على غفله….او ماعندج وقت وايد…فالمطبخ..
المقادير والطريقه….
اولا…
كوب ماي دافي
ملعقة اكل خميره
ملعقة اكل سكر
(نذوب الخميره والسكر في كوب الماي..ونتركها عشر دقايق لين تتخمر…بتشوفون الخميره صارت مثل رغوة الكابتشينو..)
ثانيا:….
كوبين طحين رقم واحد
3ملاعق حليب بودره(نيدو)
1ملعقة اكل بيكنج باودر
رشة ملح خفيفه
ربع كوب زيت
(نخلط المقادير الجافه…في وعاء بالايد…ونصب عليهم الزيت….ونفرك ونفرك العجينه…بالايد…لين تصير عجينه…نثريه…غير متماسكه)
ثالثا….
بيكون الحين مرت العشر دقايق…
ناخذ كوب الماي اللي فيه الخميره…ونصبه على العجينه…ونعجن لين …تصير عجينه متماسكه وطريه …جاهزه للحشو والخبز ….على طول بدون انتظار للتخمر….
تستخدم لجميع انواع الفطاير….والبيتزا….والسينابون….واللي يخطر على بالكم….
جربتها بعد للقلي طلعت خفيفه وهشه….
تجربتي الاولى بالعجينه….سينابون وفطاير لبنه….
اتمنى انها تعجبكم………….لانها بصراحه اسهل عجينه مرت عليه……ونتيجتها وايد حلوه هشه وطريه…
دعواتكم الحلوه….اختكم ام منصــــور.
شكلها طالعه وايد حلوه
تسلم هالايادي