الصراحة والحق يقال انا جربت خبيصة السميد وخذتها من المدونة من كتاب أم خليفة للأكلات الشعبية الإماراتية والله يعطيها العافية الخبييصه طلعت رووووووعة..
عالعموم شكرا عالدخول وعدم المشاركه
بس أفا عليج ألحين بدورها لج .. وان شاء الله أحصلها
علبة سميد العلبة الحمراء او كوبين
كيس شيعريه باكستانيه لونها بني
زعفران ملعقة طعام
هال ملعقة طعام
فنجان ماء ورد
كوب زيت نباتي
كوب سكر
لتر ماء
وللزينه أي نوع من المكسرات
لوز او فستق او كاجو
الطريقة:
نحمر السميد من غير زيت ونتركه على جنب
نكسر الشعيريه تكسير صغير ونضعها جانبا نقوم بخلط السميد والشعيريه ثم
نضع الماء في القدر مع السكر ووالهيل والزعفران وماء الورد والزيت ونتركه على النار حتى يغلي
اذا غلى الماء ناخذ السميد والشعريه الممزوج المخلوط ونسكبه ونحركه فالماء قد ينشف
واذا نشف كل شوي نضيف له ماء قليل ونحرك حتى لايلتصق بالقدر الى ان يستوي
نتذوق ونشوف اذا يحتاج سكر نضيف قليلا
اذا كنتوا تحبون يكون الخبيص نثري قللوا الماء واذا اردتموه متماسك كثروا الماء
نستمر في التحريك حتى نراه قد استوى نغرفه في حرا ره او في طبق مستطيل
نزينه بالفستق أو اللوز أو الكاجو و يقدم للضيوف في أطباق بالهني والعافيه
وجربيها وطرشي لي في طاسه صغيرونه>>>>> ( :
والسموحه
المقادير:
علبة سميد(( القوطي الأحمر))
كيس شعيريه باكستانيه(( لونها بني))
ملعقه صغيره من الزعفران والهال
فنجان ماي ورد
ربع كوب زيت
كوب سكر
لتر ماي
الطريقه:
نحمر السميد ……..بعدين نظيفله الشعيريه(( تكسرينها بيدج لين ماتصير قطع صغار))
ونخليه عصوب
الحين ييبي جدر وحمري السكر فيه لين مايصير لونه بني بعدين نظيف الماي + الزعفران والهال+ماي الورد+الزيت
الحين نحطي السميد والشعيريه…………..ونخلطهن
قصري عالغاز……..وسكري الجدر…….وخليه شوي لين ما تنظا الخبيصه