السلام عليكم اخواتي. اني مشكلتي مع طفلي سنة ونص مايتقبل الاكل العادي الا اهرسة الة بالخلاط واي شي خشن يحس بي يطلعة من حلكة لحد الان يرضع من صدري وكم مرة حاولت افطمة ومانجحت جربتلة حليب. بس ماحبة هل هذا شي عادي لو لازم ياكل مثل اكلنة مرات احس بي يتعاجز ياكل او يحرك فكة وهو عندة ماشالله 4اسنان فوك و2اسنان جوة وحاليا دتطلع الظروس الفوك والسنين الجوة. منو عدهة طفل بعمرة وتخبرني ايش ياكل
الله يعطيج العافية الغالية
اكيد حاليا واصله بمرحلة كبيرة من التعب بسبب الرضاعه
لان بهالعمر الطفل بيحب يتسلى على صدر الام اكثر من انه يرضع
لازم تكونين حازمة من هالناحية
اكيد حيعاند ويصيح ويصارخ
وممكن يمرض
لكن عشانج وعشانه لازم تكونين قويه
وفي اخت اعرفها عطتني طريقة حلوة للتفطيم الطفل اذا رفض
وهي بنفسها سوتها مع ولدها
حطت لزق على صدرها
حاول طفلها مره مرتين ثلاث
عقب خلاص يأس وفطمته
والله ياختي كانج تتكلمين عن ولدي انا بعد ولدي جي ابدا مايحط شي بحلجه و اعطي الاكل بضرابة و ماخليت دكتور ما وديته له و فحصته على كل شي و الحمدلله كل شي عنده سليم بس ماعرف ليش ما يوصل شي لين حلجه تعبت و يئست و في دكتور شار علي ادخله حضانه مثل سنه و اشوف يهال ياكلون بياكل و دخلته و لا في فايدة و يئست و اتوكلت على الله قلت باجر باذن الله روحه بيكبر و بياكل.بعد ابغي حل شراتج انا حتى احط الاكل جدامه افرفره يمين يسار و يوعته بالساعات و ماشي فايدة
اختي المفروض من البداية لوعودتيه موكل شيء ياكلهه مهروس لانه خلاص ولدج تعود ياكل. كل شيء مهروس والحين استوى يخاف من الأكل العادي
هل صليت ﻋﻟى الحبيب اليوم ؟؟
آﻟﻟھﻣ ﺻل ۅ ﺳﻟم ﻋﻟێ ﺳﻳ̉ډﻧٱ ﻣﺣﻣډ ۆ ﻋﻟێ ﺂﻟہ ۅ ﺻﺣﺑہ ٱﺟﻣﻋﻳڻ <3
الله يعينج
انا اقطع الاكل المهروس من تطلع الاسنان
حطيه على كرسي الخاص باليهال وحطي الاكل جدامه. مثل فواكه مقطعه ولا معكرونه مطبوخه ولا بسكوت. وانتي ايلسي طبعا راقبيه وهو ياكل.
ونوعي له بالاكل. عطيه من اكلكم ,,, ماشاء الله عمره سنه ونص فالمفروض خلاص ياكل عادي
قطعي عنه الاكل الي فالخلاط لين يبدا يتعود ياكل عادي. اكيد بتتعبين وياه بس اتحملي شوي
والله يحفظه لج
انا عادي بنتي تاكل الاكل العادي ورافضه الصدر من صار عمرها 9 شهور