طريقتي في ترتيب اكسسواراتي … وبالصور … اقربوااا اشغال سهلة

اشحالكم حبوبااات

اليوم حبيت أحط لكم طريقتي بترتيب الاكسسوارات مع الصور

أدري بها طريقة بسيطة واقتصادية بالنسبة لي ويمكن ما تعجب البعض بس قلت بفيد اللي بتعجبهم الطريقة

أول شيء ببدا بالسلاسل أو القلايد

أنا يايبة 3 من تعليقات الفوط اللي ينباعون بالكارفور أو الجمعية على 3 دراهم ومعلقتنهم على جزء المكتبة اللي مجابل التسريحة وحاطة فيهم كل سلاسلي وقلايدي

وهذي خواتمي .. عندي لها ستاندين

هذا الأول خذته من محل مجوهرات أتعامل معاه من زمان .. عطاني إياه البايع ببلاش بس الحسافة إنه ما يكفي خواتم واااايد .. فاضطريت آخذ غيره بس بشكل ثاني ..

وهذا الشكل الثاني .. اشتريته من كليرز أعتقد بــ 50 درهم

هذا ميزته إني أعلق فيه سلاسل اليد بعد وشكله حلو

وستاندات الحلق عندي اثنين بعد ..

هذا الأول شكله لولبي شريته من كشك في بن بطوطة مول بس غالي بـ 110 :1 (6):
بس ميزته إني أقدر أعلق فيه الحلق اللي يتسكر بالبلاسيتك او الذهب يعني موب اللي يتعلق .. وعيبه إنه ما يكفي التراجي مالي كلهن :1 (34):

الاستاند الثاني تحفة .. لأني أعلق عليه الحلق وأشيل بسهولة .. وعاجبني وااايد لأنه أساسا موب ستاند حلق .. أساسا هو ( استاند قفاش وشوك وسكاكين ) صغير وماله عازه مفرور في الاستور
سرت ونبشت وحطيتة في الحجرة .. أفكر أغير لونه بحطه وردي وبراويكم اياه بعد التغيير

الحين بحط لكم شنطة السوع

فيها سوعي كلها تقريبا … قولوا ما شاء الله

وهذي يا بنات طريقتي في حفظ اكسسواراتي

واللي يعجبها موضوعي تحط رد يرفع المعنويات شوي