من شوي قريت موضوع الإخت vip~s .. بعنوان
ولاحظت إن الغالبية ما يوفرون .. مع إنه التوفير شيء أساسي جدا جدا جدا وضروري ومطلوب .. خاصة في هالزمن .. فكتبت بعض النقاط اللي إن شاء الله أتمنى تساعدني وتساعدكم .. وهذا الموضوع مفتوح .. لكل وحدة عندها فكرة أو مجربة طريقة للتوفير .. تحطها عشان الكل يستفيد ..
وأنا ببدأ ..
** أحسن طريقة للتوفير .. الجمعيات .. لأنها تجبر الشخص يدفع مبلغ معين كل شهر …
** اللي تقول إنها توفر وبعدين تصرف اللي وفرته .. خلها تحط اللي توفره عند شخص تثق فيه .. مثل أمها .. بيكون صعب كل شوي تنط عند أمها تطلب منها البيزات … .gif "12 (61)")
** طريقة حلوة بعد .. وتخلي صرف اللي توفرونه صعب .. إنكم تشترون سبايك ذهبية وتحطونها في البنك .. بيصعب عليكم تطلعونها .. وتبيعونها عشان تصرفون ….gif "12 (26)")
** بس صدقوني السبب الأول للتبذير .. هو كثرة الطلعات .. خففوا منها قد ما تقدرون .. لا تطلعون للسوق إلا للحاجات الضرووووورية بس ..
أنا كنت دايما مطيحة ولا في المولات ولا في سبينيس .. واشتري أغراض بالهبل .. أغلبها أضطر في النهاية يا إما أوزعه أو أتخلص منه .. لأني ما استخدمه .. بس ترا نحن من الملل نحط حرتنا في السوق .. عشان جيه الحين الحمدلله أملا فراغي في البيت .. يا إما بالقرايه أو بالكروشيه .. وقد ما أقدر أحاول أمسك نفسي عن الطلعة .. لأني أدري بشتري أشياء ما لها داعي .. وأفسفس البيزات على التفاهات … فدرورا لكم هوايه حلوة تيلسكم في البيت .. وتحل مشكلة الملل والطفش العالمية اللي عندكم … .gif "12 (100)")
** اللي تشتغل وعندها إخوان وخوات أصغر منها .. تخصص لهم مبلغ شهري كمصروف .. حتى لو كانوا ياخذون مصروفهم من الوالد والوالدة .. إنتي عطيهم زيادة .. لأنهم يبغون أحياناً يشترون حاجات معينة .. ويمكن مصروفهم ما يكفي .. عوديهم تعطينهم مصروف بدال ما إنتي تشتريلهم اللي يبونه .. عشان يعرفون قيمة البيزات من الحين .. ويتعلمون يخططون .. ويوفرون .. ويستوون أحسن عنا ...gif "12 (23)")
** وفي النهاية نصيحة للي وااايد تحب المشترى .. إنها على الأقل تحط فلوسها في شي له قيمه .. يعني بدال ما تشترين مجموعة ملابس واكسسوارات ومكياجات ب 2024 درهم وإنتي ما شاء الله كبتج متروووووس أصلاً من اللبس بأنواعه والمكياج اللي عندج يكفي فريج .. اشتريلج مثلا خاتم ذهب بها ال 2024 .. بتشبعين جنون الشراء اللي تعانين منه .gif "12 (80)")
… وفي نفس الوقت بتحطين فلوسج في شي له قيمة ..
دعواتكم …
ومشكوره ما قصرتي
وفي انتظار تجارب البنات ..