ربيعتي من ربت مايتها الدوره لانها ترضع طبيعي
المهم اتقول من اسبوع وايد تنزل عليها افرازات وسارت عند زينب وسوتها مسحه طلع عندها التهاب شديد
فقالت الها بتعطيها تحاميل لأنها ترضع ومابتروم تعطيها حبوب
المطلوب هو سمعت ان شي اعشاب لعلاج الاتهاب مادري المراميه شي جي
ممكن تساعدوني
وهل الاتهابات تمنع الحمل
يزاكم الله خير خواتي
ماشي رد
اول شي اتجهز غسول من البانوج…او الزعتر …واحد من هالنوعين لانه يساعد ان التهابات تخف…تاخذ تقريبا مقدار ملعقتين كبار و تفورهم في ماي …يكون كمية غرشتين نص لتر..شرات ماء مسافي الصغار…
و تيب مشخله نضيفه و تشخل الماي و تصبه في الغرشتين…اول غرشه تصب فيها خل مقدار ملعقه كبيره وحده…او قياس غطاة غرشة الخل..و تحط كميه من العسل الطبيعي الاصلي يعني 6 ملاعق ….ثاني غرشه تخليها لبعدين بعد ما تخلص الاوليه تحط فيها خل و عسل عشان تكون المكونات فرش…
الحين طريقة الاغتسال…يكون عندها صابون خاص للمنطقه الحساسه شرات كير فري…و فوط صحيه بعد من كرفري و في منديل شرات مال مزيل المكياج بس للمنطقه الحساسه من كيرفري بعد…
شوفي تغسل بالماي و تمسح بالمنديل لين تشوفه نظيف….ينظف المنطقه و يخوز عنها الريحه..بعدين ترجع تغسل بماي و اخر شي تغسل بغسول البابونج او الزعتر…و تنشف المنطقه عدل و تستخدم الفوط عن الافرازات و تبدل ملابسها لازم تكون قطنيه…
طول اليوم تشرب ماي عشان تخف الاتهابات و تروح الحمام عشان تتغسل بالاعشاب….
طبعا غسول بالصابون متى بس مره في اليوم الي هي قبل لا ترقد تغسل بالصابون و تعيد الطريقه الي ذكرتها…اما طول اليوم تغسل عادي نفس الطريقه الي ذكرتها و الصابون لاخر شي…
انا استمريت عليها اسبوع الحمدالله راحت كل الاتهابات بس لا تغفل عمرها لازم تراجع عند الدكتوره و تاخذ الادويه اول باول…
و سلاماتها ما تشوف شر ….و السموحه هذربت واايد