صج أنا عاطيه أهل ريلي ويه ؟ لتربية الطفل

والله ما ادري شوووو أقوولكم ….

من اكثر من شهر استوى بيني وبين عمتي سوء تفاهم انا مالي علاقة فيه وعمتي الله يهديها كبرت السالفه وتمت تقوول لخواتي اختكم ما اتحب اتييب بنتها عندي مع العلم ان ريلي يوميا اهو برووحه يودي البنت عندهم… انا تضاايجت الصراحة لان عمتي كانت في بيت اهلي يوم قالت هالرمسة وصديقات امي يالسات ( الحينه شو بيقولون عني ) وقالت عمتي لولا اليوم عيد ميلاد حفيدتي ما بطب بيتكم ( ليش نحن شو سوينا ) هالشيء واايد ضايجني رحت زقرت حميتي وقلت لها السالفه ونحن شوو سوينا عسب امج تقووول جذي؟؟؟ ومن هالرمسه … من ذاك اليوم وحميتي متغيره علي وشاله في خاطرها ( المفرووض انا اللي اشيل )وسرت اتعذرت لعموتي ويبتلها هديه ( عشان خاطر ريلي مو اكثر) … الحينه السالفه ولت ومن ذاك اليوم استويت صج اعبرهم من الخاطر ما تستوي عزيمة الا انا اول وحده وادش المطبخ واشل واحط … من اسبووع حرمة حميي ربت وبحكم انها مب من امارتنا عمتي باتت معاها بالمستشفى والمستشفى بينها وبين بيتنا حوول الساعه كل يووم اسير عندهم اوجب عسب لا يقوولوون ماا تيينا او شيء 4 ايام وانا اسيرلهم اللين ظهرت الحرمة من يومين بالسلامة …
يوم السبت نسايب حميي يم يتغدون عندهم فجأة نسوا يدقون علي يقولونلي وخبروني الساعخ 1ونص عاد لا سويتها زعله ولا شيء قمت لبست ابسرعه وسرت لهم وهم تعذروولي ان نسوا يخبرووني يتحروني بايته بيت اهلي وانا ما ادقق على هالمواضيع طاااف ( مع انها مب اول مرة )
امس حميتي عازمه نسايبها على العشا وانا بنتي تعباانه ومريضة والله مودرتنها عند ابوها ويالسه في المطبخ اطبخ لعزيمتهم وسرت العزيمة اشووي متاخره لاني اللين خلصت طباخ واتلبست ولبست بنتي خذيت وقت لان بشكارتي مساافرة .. ونحن في العزيمة حرمة ولدهم حليلها ياتها حمى وشلووها ودوها المستشفى ورقدوها كان ادق على حميتي امس بالليل اطمن على الحرمة حسيتها تبي تصكر بسرعه وانا اسوولف قالتلي ( يصير خير ) كان اقفل عنها…
اليوم الظهر قلت خلني ادق على عموتي اطمن على الحرمة بما انها راقدة وياها كان اترد علي بدون نفس كان اقفل عنها
والله ما ادري انا اتخيل انهم مضاايجين والا هم حصلولهم سالفه يضايجون عليهااا …..
اختي تقوولي انتي واايد عاطتنهم ويه خلهم يولون … واذا خليتهم يولون بينقدوو علينا … الحينه صدق يوم يقولون ان اهل الريل ما يملا عينهم الا التراااب؟؟؟ ….

الله يعينج حبيبتي

والله يا أختي ما أشوف إنج قصرتي وياهم في شي ،
بالعكس قايمة بواجبج وياهم وزود ، بس انتي قلتيها
في الأخير . . ما يملى عينهم إلا التراب ، عشان جي
خلي في حدود بينج وبينهم خلاص ، على قولة المثل
ما بتعرف قديري لين تجرب غيري الله يعينج . .

الله يعنيج
بس ماباليد حيله اتحمليهم و ارضيهم و سوا كل هالاشيا جدام ريلج عسب باجر يوم يرسمسون ريلج يوقف معاج مش ضدج و حاولي اتسايسين عمتج و تيبين راسها و اذا مووول ماشي فايده خلاااص خليهم بحالهم ليش اتعورين راسج

الله يهديهم ان شالله

انتي سوي كل هذا عسب تكبرين في عين ريلج .. هم خلهم يولون .. رضوا كان بها .. ما رضوا عنهم ما رضوا

شرات بنت اختي .. اتسوي العجب لاهل ريلها بس هم ما ايدانونها .. لكن هي شو تبى بهم ؟؟ المهم انها يالسه تكبر في عين ريلها .. هي بتم ويا ريلها مب ويا اهله ..
صح ولا ؟؟

انا عن نفسي مااسوي سالفه ……علاقتي وياهم سطحيه جدااااااااا …..

والحمدلله مرتاحه ويوم حد يقولي شئ مااسكت عنه ارد عليهم عشان يثمنوني ويعرفون جيمتي

عمتي مره وحده حسيتها مضايجه مني…..والله ماسويت لها سالفه خليتها مضايجه لا اعتذرت ولا هم يحزنون

عشان ماتتعود اني اراضيها وغيره

واجبي اسلم واادي واجبي وخلاص

انا مب ملزومه اروح اراضي حد وانا ماسويت شئ………. والحمدلله هاي طريقتي واحس اني مرتاحه منها

وانتي الله يعينج خلج مثل ماانتي عليه كل وحده تعرف كيف لازم تعاملهم …… وربي يسعدج ياربي