لا اتسيرون صالون hair staition في ابتاون مردف
انا اليوم كنت حاطه موضوع ابغي اعرف عن صالون اليازيه
يوم محد رد عليه قلت اسير صالون هير ستيتن في ابتاون شرا ما نصحو البنات..
انا اتخيلو آخر مرة صبغت شعري يوم كنت توني حامل ببنتي يعني اكثر عن سنة….وشعري اعتدل وطول
سرت واخترت اللون ويت وحده اسمها سوسو هناك…خربت شعري لا اللون هو اللون اللي بغيته ولا شي !!!!
وربيعتي سارت ويايه حليلها حرقتلها شعرها…حسبي الله عليها….لا اونها بتعدل شعر اربيعتي ….بسويلج تريتمنت ببلاش!!!وين مكان يسوي تريتمانت للشعر ببلاش الا اذا مخربين الدنيا…واللون برتقااالي وهي طالبه احمر غااامج!!!!
وشعرها اتقطع لانها خلتها وسارت اتسشور وحده وخلت الصبغة اكثر عن اللازم
لا وكنا مسوين بديكير منيكير….ريلي اظن انها كانت احسن يوم دخلت الصالون ونفس الشي ربيعتي ….
لا وعلى هالمعامله الزفته و الشغل الخايس….الصبغه اذا بلون واحد 400 …والخصل زيدي على المبلغ 350 درهم حق خصل لنص الشعر!!!يعني صبغ وبديكير لي انا بس ب 900 درهم وربيعتي نفس الشي ….نفاد في البيزات لو الشغل عدل ….لا واتعاشي اونه انتو ما طلبتو هالالوان اللي اتقولون عنها!!!
نصيحه لا اتروحون هالصالون ولا اتقربون عند هاي سوسو
لا وبعد نص الصبغه كانت على رقبتي و يبهتي واذني و خشمي و ثيابي!!!
اونها محترفة وتقول ماتاكلي هم انا بعرف وبعرف…
ربيعتي امسوية خصلات وتبين بكل وضوح وتسألها انتي قد صبغتي شعرج؟ وانا اتقولي هذا مب صبغ على شعري اللي مب مصبوغ من سنة وشوي
انا كتبت هذا الموضوع عسب ما تتغصصون مثلي …وربيعتي سايره صالون باجر اترد تصبغه….انا ما اقدر لانه شعري خفيف من عقب ما ربيت طاح نصه ….والباقي حاولت اعدله وقلت اغير من شكلي حق ريلي ….الحين مستحيه اطلع شعري جدامه …تشني بتاني شيبه ابيض شعره وحناه….
قولولي شو اسوي باصيييييييح
لكن شعري استوي نفس هاي
وانا كنت طالبه هذا اللون
وربيعتي حليلها
استوا شعرها تشي
وهي طالبه هذا
والله عورني قلبي عليكم انتي وربيعتج حسبي الله عليهم
انا بروحي خايفه ماعرف وين اروح بسوي هاي لايت لاني اول مره اسوي هالشئ في حياتي
الله كريم جزاج الله الف خير عشن نعرف السواد ويههم الصوالين اللي يسوونه مالت عليهم والله 
قلتلها بفكر وبرد عليج
وزين اني ما رديييييييييييييييت