انا اهل زوجي وايد تاعبيني .. انا احبهم وهم طيبين
بس المشكله في السكن نحن من الغربيه وهم بيتهم هناك
وانا عايشه في بوظبي وعندي بنتين ويالسه في شقه 3 غرف ومجلس
ويوم يون بوظبي يقعدون عندي وهم ماشالله وااايديييين 16 واحد غير الخدم
والاطفال ازعااااااااج ويتدخلون في حياتي بشكل مو طبيعي في كل شي لدرجة اني
مقدر اسوي اي شي بغرفة نومي حتى لو بغير اي شي من مكانه وانا وبناتي في غرفه
وحدة واغراضي كلها مكان واحد ونحن عندنا فله بس بعيده برع بوظبي وابي
اطلب من زوجي انهم يقعدون في الفله بس اخاف يفهمني غلط اني اطرد اهله
او شي هو وايد متعلق باهله وهذا غير خواته المتزوجات
يعني يصيرون 25 مع ازواجهم وعيالهم انا وايد متضايقه ومدري شو الحل
ابي حل دخيلكم ساعدوني
تقبلوا احترامي
اختكم
ام فاخره
والله يوفقج ويسهل أمرج
ماشي غير التفاهم
بتحصلين وااااايد ردووود ونصايح
وانا اشوف ما فيها شي تقولين لريلج بالعكس اريحلهم
وقعدي بعدين وشرحيلهم لو عندهم مشاوير في بوظبي يمرون عندج او يرحون عندج
بالس القعده كامله اريحلهم في البيت عشان يتوسعون وجي
الله يفرج عليج حبيبتي
بس كلميه وشوفي شو بيقولج
كلمي ريلج بس لاتقوليلا انج متضايقه منهم
قولي مضايقه لأنج مب ماخذه راحتج معاه
ومن هالكلام وهو بيفكر بكلامج ويشوف ان كلامج صح
ماتقعدون مع بعض عدل وما تحسون بعيالكم
لان المكان زحمه