البثيثة من الحلويات القديمة بالامارات ( أكلة شعبية ) التى تقدم مع القهوة … طبعاً الاجداد قبل ياخذونها معهم بالاسفار .. أو الغوص على اللؤلؤ … ما تخترب تبقى لفترة طويله … وطعمها لذيذذذ ما ينشبع منها … وما يستغنى عنها وخاصة بفصل الشتاء .. لانها تدفيهم من البرد بسبب الزنجبيل اللى من مكوناتها الرئيسية …
وبعد ممكن تاخذين منها للتجمعات الاسرية بالرحلات والحين وقتها … أو للتقديم للضيوف .. أو للمناسبات السعيدة …
وكيس التمر الواحد يساوى كيلو … والتمر من النوعية الممتازة … وطبعاُ خلاص ملكى ويديد …
وعندى منها أشكال :
البثيثه النثره العادية .. وسعر الكيلو 60 درهم
البثيثة المشكله .. سعر الكيلو 80 درهم
كرات البثيثة طبعاً منوعة بالسمسم والفستق و جوز الهند … وفيه بعد بالكاكاو .. سعر الكيلو 100 درهم
الصور ماخوذة من النت
هذى البثيثه بالكاكاو .. ممكن احشيها كاكاو او اغلفها … سعر الكيلو 150 درهم
وممكن احطيهن لج بالعلب الشفافة أو المينى حراريات ..( هذيلا ينفعن للتوزيعات ) بس بيزيد سعرالعلب
التوصيل / مندوب شركة التوصيل ب 25 درهم ما عدا الغربي 45 درهم
الدفع / سلم واستلم
هذى طلبية من خارج المنتدى
وهذى طلبية من العضوة منى مسمارى
طلبية ام دلوووه :
طلبية smadimoon :
طلبية من منتدى آخر
يتبع ,,,,,
المشاركة الأصلية كتبت بواسطة منى مسماري اسمحلي تاخرت عليج بالشكر مشكورة عزتزتي ع البيثه حلوة وتسلم إيدج
smadimoon
مشكوره اختي اللبان روعه تسلم اديكي بس البثيثه تراني ماخذتنها لشيوخ وسألتهم قالوا انك مزيده التمر وايد لازم الطحين أكثر ولازم يتحمس أكثر وبكل الأحوال تسلم اديكي اختي
samsoma
وعليكم السلام..
الصراحة تسلم ايدج على البثيث الغاوي..
يزاج الله خير وما قصرتي.. واكيد لنا تعامل ثاني وياج جريب ان شاء الله
المشاركة الأصلية كتبت بواسطة ام دلوووه هلااختى
لا ماشاء الله لذيذه بس انا عجبتنى الساده اكثر وكميتها بعد وايد
يعطيج العافيه
Um_Aboodi
هيه استلمتها مشكورة الغالية ..
انا ماقدرت اكل منها فيها حرارة لاذعه امي قالت الظاهرمحطين زنجبيل حتى امي مارامت تاكل منها
وعطيت منها عمتي عيبتها
الظاهرية2
وعليكم السلام ورحمة الله وبركاته
نعم وصلت وتسلم أيدج وايد حلوه 00000
وبالتوفيق انشاء الله
المشاركة الأصلية كتبت بواسطة Um_BirGa3_NIKE يلسنا نتقهوى وناكل من بثيثتج ماشاءالله تجنن مالت اول بالزنجبيل و والصحن الثاني مره في حزتها نجبته في حراره وارسلته صوب عرب ماتو عليها
مشكوره و اكيد بطلب منج مره ثانيه يعطيج العافيه
المشاركة الأصلية كتبت بواسطة ام نابت الموج السماوي
مرحبااااا الساع ويا هلا فيج الغالية عساج بخير يارب؟؟
وصلتني الطلبية ومشكور واااااايد واااايد عليها الصراحة لذيذة وما عليها كلام يعطيج ربي الف عافية ^^
سؤااال عبيط ممكن ؟؟ ما تسوين خبيص ؟
المشاركة الأصلية كتبت بواسطة زهرة الرفاع
وبحلالـــــك عـــــن حرامـــــك ،
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّـــم آميـــن
موفقه يالغاليه
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّم آمين .