ولا ايديدة تتعبون وياها اول شيء وبعدين تمشي على نظامج
مثلا الاندونيسية والفلبينية افضل تكون خبرة اذا كنت ابغيهن للطبخ .
اما الاثيوبية والبنغالية .. افضل يديدة ..لانه المشتغلات وايد ملسونات..
هذه وجهة نظري ..
بس انا يبت اندونيسية مشتغلة اول مرة وشردت يوم كملت سنة استغربت كيف مع انه ماعندنا شغالات اندونيسيات
ويبت بعد بنغالية يديدة وبعد شردت تقريبا عقب 3 شهور وما أعرف كيف مع انها بالغباء مافي مثلها طلعت عيني لين فهمت شوي ولا شردت والناس واعين يعني المغرب الله يستر بس
والحين وياي اندونيسية مشتغلة سنتين بالسعودية وماشاء الله ممتازة ونظيفة
يعني نصيحة ييبي وحدة مشتغلة بالسعودية وفترة بسيطة يعني سنتين ممتاز
بالسعودية وايد يهتمون بالشغالات من ناحية التنظيف والترتيب والأكل حت يطبخن وطباخ حلو خخخخخخخخخ ماتلقينهم يدلعون الشغالات
واهم نصييحة لاتعطينها موبااااااااااااايل
انا اول وحدة شردت كشفت وياها موبايل ولا رقم شباب مواطنين من دبي واللي عرفتة عقب انها شردت لأنه اختها تشتغل بدبي بمطعم جرسونة
من جيه حرمت ادخل الموبايل البيت وإذا تبا ترمس اهلها مب مشكلة تقولي وانا بعطيها التلفون تتكلم بس
حتى تلفون البيت ماتمسة
ما أدري وجهة نظر ومرتاحة منها الحمد لله
واللغه اهم شي عسب مااا تتعبني معاهاااا
المشتغله غالبا ماتعذبج في تعليمها تعرف تتصرف لكن إللي ما أحبه فيهن كل يقولون كنت أسوي كيت وكيت في البيت إللي قبل وتبغي تمشي على ماتعودت في البيت إللي اشتغلت فيه وبعضهم مايقدرون يغيرون طريقتهم ويمشون على طريقتج
وإللي ما اشتغلت صحيح انج بتتعبين في بداية الوقت لكن ماعندها المقارنه إللي المشتغله تطفرج بها
وتمشي على طريقتج ، وأحس انها تسمع الكلام أكثر من صاحبة الخبره
عني أنا جربت الاثنين وارتحت للي مب مشتغله ما أحب حد يمشي بيتي على كيفه وعلى أسلوب ناس غير
والأحسن تكون مشتغلة في السعودية على الأقل سنتين أو ثلاث ….