مساء الخير
خواتي عندي مشكلة اربيعتي وانا روحي ماعرفت كيف اساعدها فآتمنى من خواتي الغاليات
مايبخلن عليها بالمساعدة ،
سلمكن الله لمن تفكر في شي تحس انه بيسبب لها المشاكل تبعد عنه فترة وترد تفكر في هالشي
وتفكر انها ترد له .. .. !
مثلا وحده ممكن تسبب لها مشاكل مع ريلها تتركها فترة وترد تحن لها وتبا ترد ترمسها !
اكثر من شغله والمشكلة انها من النوع الي واايد يفكر وهالتفكير بيكون سلبي + بيسبب لها مشاكل
وهالشي ياثر على علاقتها بريلها .. لمن تتضايج وتحس بالحزن تحط حرتها في ريلها وتدور
عليه الزله وتسوي وياه مشاكل لين مايطفر ويطلع من البيت =(
يعني اختصار للموضوع
1 – البنت لها سلبيات انها تتعود تسوي اي شي حتى لو كان غلط ( واذا سمعت نصيحة حد
تتركه فترة بسيطة وتفكر ترد لهالشي الغلط الي ممكن يسبب لها مشاكل كبيرة )
– مب عارفة كيف تتحكم في تفكيرها الي يخليها ترد تسوي اشياء غلط وتسبب لها مشاكل
وكل هالاحاسيس وكل هالتفكير يطيح على راس ريلها وتسبب له مشاكل بس تبرد خاطرها فيه .
وسلامتكن
بس ماعرف شقولج غير الله يساعدها ويكون وياها
وهي مقتنعة وراضية فجأة بعد اسبوع اشوفها ترد للشي نفسه يعني مثل اللي تبا وماتبا !
ولمن ترد ترد وهي متضايجة وخايفة وبنفس الوقت هي مقتنعة ان هالشي غلط =)
يعني مب رايمة تسيطر على تفكيرها وقناعتها وغير جيه هالشي ماثر على حياتها الزوجية
بشكل كبير و حتى تعاملها مع ريلها يختلف 180 درجة لمن تحس انها بترد للغلط
ابليس والله ييسر امورها
وتقوي علاقتها بريلها وبربها قبل
وتذكر انها اذا سوت هالشي رب العالمين تراا يشوفها وساتر عليها
أياً كان هالأمر