بنات انا صارلي شهرين تقريباً معرسه… بصراحة انصدمت من حياتي اليديده.. حياتي العزوبيه احلى مع اهلي ضحك وفرفشه ووناسه أما الزوجيه أكثر الأيام ارقد وانا اصيح ولا ضغطي مرتفع……
ريلي دفش بمعنى الكلمه مثلاً بمعظم الأوقات إذا ما دخل علي الغرفه مايكلمني ولا يطالعني جني جماد …. يدخل ويطلع ولا يهتم بوجودي جنه مب معرس… وبتصرفه هذا ضغطي يرتفع… بالمختصر المفيد يطنش… بتقولون انتي بادري كم ابادر كل يوم…
وكم مرة اكلمه بهالخصوص يقول إن شاء الله بتغير بس ماجفت شي…
وإذا زعلت عليه (حتى لو زعل دلع) يروح وهو بعد يزعل ومستحيييييييييييل انه يراضيني لو انصك السما بالأرض……. كله يباني انا ابتدي مادري ليش هالتصرف….
حتى لو صحت جدامه مايأثر شي فيه….
ولو هو زعل احاول واسوي المستحيل عشان اراضيه… واتصل فيه واحرق موبايله وهو يطنش ومايرد علي..
وهو مب من النوع اللي يرمس كله سااااااكت ولا يسولف… وما يسولف إلا إذا انا بديت في الكلام…
بصراحه حياتي وياه احسه كله في غلط بالغلط…
وبقولكم شي حتى في المعاشرة الزوجيه انا ابتدي أكثر الأوقات…. احسه خجول من هالناحيه….
انساااااااااان بااااااااارد
ومب رومانسي ولا يحاتي ولا يغار علي ولا يجامل إنسان جدي زياده عن اللزوم….
حتى في شهر عسل كان جيه يعاملني …. يروح ويطلع ويخليني بروحي في الغرفه في بلاد الغربه وانا احاتي ماادري هو وين ولا حتى يقول شي قبل مايطلع….
حتى لو رحت طبخت له طبخه مع اني ماكنت اطبخ بيت اهلي إلا نادراً عاد دقت في راسي اني اسوي له عشا لا مدحني ولا شي…. تعبت اوني بسوي له مفاجأه بس ماايت شي في عينه…
بنات انا الحمدلله جميله وعمري 24 وهو 39 وخريجه جامعية وموظفة….
اكشخ واتعدل ولا يطالعني ولا يمدح…
اتريا يقولي كلام حلو ماشي… احسه يعاملني مثل مايعامل ربعه….
تعبت انا ابتدي وانا ابادر مب المفروض الريال يبتدي …
مرة قلت له تعبت منك بروح اريح بيت اهلي واغير جو قال بكل برود انا اباج إذا انتي ماتبين عادي قولي… مع العلم انه من الأهل… ولا حد غصبه هو الللي قال يباني…
وعلماً انه فترة الملجة كانت طويله يعني 9 شهور تقريباً.؟
شو الحل يابنات…؟
فارق السن بينكم كبير وااايد ،، يعني هو انسان ناضج و راكز ،، صعب جدا أن ينزل لمستواج لأنه بمعنى أصح شبعان ، إلا إذا جاملج و ما اتوقع لأنها مب من شخصيته على حسب علمي ..
أصعدي لمستواه و اهتمي لإهتماماته حتى لو كانت أهتماماته مالية ،، اهتماماته في الشغل طوري من نفسج و اتعلمي …
نصيحه مني العلاقة الخاصه خليها يوميا و لين ما يتعود حتى لو ما بدا ،، و دايما عوديه أنج ما ترقدين و إلا أنت لاصقه فيه
اصنعي لنفسج عالم خاص ،، سويلج اهتمامات و هو موجود ،، أي شي يخليه يحس أن لج قيمه ( نادي رياضي ،، عمل ،، دورات ،، عمل إجتماعي ) …
جانب الفرفشه خليه موجود ،،
اهتمي فيه وايد ،، بمعنى أن أغراضه كلها غيري أماكنها بحيث إذا بغاها ما يلقاها إلا إذا سألج حتى ثيابه روحج رتبيهن و غيري أماكن بين فتره و فتره ….
دايما قبل لا تطلعين اتركي لج أثر في الحجره ( كلمه على الجامه ورده أوحتى قطعه من ثيابج خليها طايحه جهته من الحجره )
الغالية تبغين تتواصلين ويايه أنا ما عندي مانع
و أذكرج بالإستغفار …
كلها احتمالات … ربي يسعدج
المشاركة الأصلية كتبت بواسطة آكلة البشر 
فارق السن بينكم كبير وااايد ،، يعني هو انسان ناضج و راكز ،، صعب جدا أن ينزل لمستواج لأنه بمعنى أصح شبعان ، إلا إذا جاملج و ما اتوقع لأنها مب من شخصيته على حسب علمي ..
أصعدي لمستواه و اهتمي لإهتماماته حتى لو كانت أهتماماته مالية ،، اهتماماته في الشغل طوري من نفسج و اتعلمي …
نصيحه مني العلاقة الخاصه خليها يوميا و لين ما يتعود حتى لو ما بدا ،، و دايما عوديه أنج ما ترقدين و إلا أنت لاصقه فيه
اصنعي لنفسج عالم خاص ،، سويلج اهتمامات و هو موجود ،، أي شي يخليه يحس أن لج قيمه ( نادي رياضي ،، عمل ،، دورات ،، عمل إجتماعي ) …
جانب الفرفشه خليه موجود ،،
اهتمي فيه وايد ،، بمعنى أن أغراضه كلها غيري أماكنها بحيث إذا بغاها ما يلقاها إلا إذا سألج حتى ثيابه روحج رتبيهن و غيري أماكن بين فتره و فتره ….
دايما قبل لا تطلعين اتركي لج أثر في الحجره ( كلمه على الجامه ورده أوحتى قطعه من ثيابج خليها طايحه جهته من الحجره )
الغالية تبغين تتواصلين ويايه أنا ما عندي مانع
و أذكرج بالإستغفار …
الفـــــارق الســـني واضـــح!!!!!
عشـــان جذي هــو مــايعرف شو احتيــاجاتج.