شو اسوي ويا ام ريلي ……؟؟؟؟ (( التعديل )) لتربية طفلك

مب عارفه من وين ابدا او كيف … انا ماكملت سنه من اتزوجت …؟ وهالإنسانه بديت اشمئز واتنرفز وانقهر من تصرفاتها….ابدا ماتعيبني تصرفاتها (( يعني فضوووووووووووووليه )) بشكل فضيييييع
إن سرت المطبخ بغيت آكل سمعت صوت .. هدت إللي في ايدها ويت اتشوف انا شو اسوي ,, وشو آكل وعينها في اكلي …لبست لبس اتطالعني من فوق لين تحت … وإذا كنت لابسه لبس الصبح والمساء او العصر غيرته … اتطالعج بنظره واتقولج هااااه غيرتي … وتضحك هاي الضحكه اللعينه اتحسسج انج امسويه شي ويا ريلج …؟ ببدل الفراش واحط فراش ايديد ( اتم تضحك اتقول هاااه بتغسلونه ) طبعا هم مب متعودين ايغيرون فراشهم عفان الله من جمعه لين جمعه اسير بيت اهلي اتغدى الظهر عندهم ,, تسألني كل جمعه … بأسلوب دفش هاااااااه وين بتسيرين ….؟؟؟؟ إن بغيت اطلع وانا قليلة الخروج .. طبعا استأذن من ريلي في البدايه ….واحس انهم مالهم شور علي يه … بس بعد اسير اخبرها … بعدني ماوصلت صوبها … منبعيد يايه اسلم عليها … تنسى السلام ولااتخليني اسلم وتسأل بهاي الطريقه الخايسه ( هاااااااه وين ) كان ممكن عالأقل لو سألتني بطريقه زينه وبأسلوب زين ممكن اتقبل ….ابا ااكل اكل من اطلب من البشاكير شي … على قولة البشاكير انها اتنبش في اكلي …؟ سرت بفصل لي كندوره ولا عباه ولا بسير السوق اشوي …؟ تسأل اي سوق ..؟ اي محل …؟ اي صوب … على اليمين ولا اليسار … شو عداله شو وراه … وشو بتسوين وكيف الموديل وكيف شكله واي لون …. وااااااااااايد انقهر منها بس اسكت .. وإذا ماكانت موجوده في البيت استانس اقول بطلع بدون ماتسألني … اتخبرها البشكاره .. اني طلعت وتحرق تليفوني إلا تبا تعرف انا وين سايره … لدرجه انها حتى يوم اطلع ويا ريلي تسأل وين بتسيرون … بس طبعا جدامه ماتسأل …تسألني انا …وساعات حتى يوم اكون وياه تتصل تبا اتعرف نحنا وين ….؟؟؟؟ وإذا ماعرفت نفس اليومتسألج ثاني ولا ثالث يوم … من يومين وين سرتوا … وين كنتوا …؟ شو اتسوون …؟ شو تشترون ….؟ وتسأل البشكاره متى طلعوا … متى ردوا البارحه …. والله لاعت جبدي منها …. ماعرف شو اسوي ….؟؟ تتدخل في القرحه وشو دواها …؟؟ حتى إذا كلتي وماشافتج …. وعقبها شافتج فجاه تييج من وين وتقرب صوبج واتبحلق في صحنج انتي شو تاكلين ..؟وإذا ماشافتج تاكلين تسأل البشاكير شو كلت اليوم من ريوق ولا غدا ولا ….. والله مب عارفه شو اسوي وياها لاعت جبدي والله ……..عطوني الحل ….؟

نسيت اذكر شي حتى من كم من يوم ريلي كان ياي من السفر … ف يبت اختي بيتهم … وانا واختي يلسنا انرتب الحجره وانزينها وانعدلها … وانا اغيرالفراش سبحان الله ماكان الباب مقفول …. لانه البشكاره طلعت ونست اتسكره … وانا ارتب شفتها يايه تتزحف وتمشي اشوي شوي … يايه اتراقب انا شو اسوي … بس كشفتها وهي مااتوقعت انه الباب مفتوح اششششششششششووووووووي واني شكيتها ….

إلا بسألج.. أنتي أول حرمة ولد لهم..؟؟

إذا كنتي حرمة ولدهم البكر وما عند عيالها الباقيين حريم

فأتوقع تصرفها بيكون مسألة وقت لا غير

هي الغاليه للأسف انا اول حرمه ولد عندهم ….

والمشكله انها جدامه موووووول مااتسوي شي ومسكينه … بس من وراه البلاوي ….

حتى يوم اتعطر وانزل لهم الصاله … عقب اشوي اشوفها يايه الحبيبه ومتعطره … مع اني في حياتي

ماشميت منها ريحة عطر …اتقلد كللللللللل شي اتسوينه … كلللللل شي

حتى من يا من السفر ( قبلها بيوم انا امسويه له كيكتين ) ( نوعين مختلفين ) والبشكاره خبرتها

وسارت بعد هي وسون كيكه ( انصدمت والله ) واقول في خاطري من متى هي اتسوي كيك

وااايد واااايد ماعرف شو اقولكم …. اشياء لا تعد ولا تحصى .. حتى من يومين يو ربع ريلي من الدوام

ايعزون كان عندهم عزاء … قالي دخني الميلس … خبري البشكاره اتسوي دخون … فقلت بتتاخر لين

مايستوي الفحم .. خذت مسدس الفحم من عندي ويبتدخون من عندي … ( يت وراي شو اتسوين )قلتلها

ربعه مال الدوام يايين عند الباب ( والله انها ماخلتني اخلي الدخون إللي عندي ) ويابت عود من عندها

مالها وحطته

حتى قالي ريحته مب لين وين … قتله والله امك ماخلتني احط الدخون مالي

( وااااااايد انقهرت ) انتي اشخصج …؟ عقبها قالي المدير والمسؤول بيون بعد صلاة العشاء حطي دخونج

طبعا ماخلتني يالسه عالبلعوم …. شوه هااااااي حتى لدرجة ان شاء الله يعني بربي قريب بعد شهر ونص..وهي

يالسه على راسي… ربي في الوصل ربي في الوصل … انا الصراحه كان عادي عندي اي مستشفى اربي … بس من كثر ماتحن

وتسأل بنات خالتج اي مستشفى ربوا .. وتسمع عن كل وحده من اهلنا ربت قبلي .. انه هاي في ويلكير .. وهذيج في ال ام إن سي ..

والثانيه في الكندي وإللي عقبها الأمريكي .. وهي منقهره .. غصب تباني اربي في الوصل .. اتقولي لاتربين في الخاص انتي ماتبين

اتراجعين في الوصل لانج تبين الخاص ……؟ نحنا كلنا ربينا في الوصل ( تقصد عمرها ) واهلي وبنات اختي … غصب تباني اكون

مثلهم يعني … إللي ايسوونه تباني اسويه…( ريلي قالي ان بيوديني المكان إللي ارتاحله ) واتحن حن البلاء عورت راسي غصب في

الوصل كرهتني في الوصل …. امي ماتحن علي كثرها مع اني بجر … انا والله عن نفسي سمعت عن الدكتوره نهله .. مركز اميه الطبي

وسرت عندها وحسيتها زينه …وهنين من رباعتي ارتاحن لها … وقالو انها تصبر عليج واتيج واترد على تلفوناتج لو نص الليل وسرتلها

انا وخلصت اموري … وخلاص يعني انا والدكتوره اتفقنا ….. بس بعدها مصره على الوصل …. واتقولي ليش امج وين ربت … قلتلها عند د زينب …؟ وتيلس اتقولي لا الدكتوره زينب مب زينه

وماتعرف ومب شي ( د ز ) خبيره ربت اجيال انتي إللي اتعرفين يعني …؟؟ من غير ومن غير ومن غير…. اشياء واااايده لاتعد ولا

تحصى ماعرف شو اتذكر وشو اكتب وكم بكتب ….؟ حتى يوم اتحناء سارت واتحنت … من نفس الصالون … بس

الحمدلله كان الصالون امبند ( صدق انها اتغار ) عفان الله

هذي نصايح ألحين ؟؟!!

والله اشوفني ما بعرس ولدي ، أنا أتعب وأشقى وعقب يوقفني عند حدي عشان بنت الناس !!!!!

وبعدين اسرار الزوجين لهم بروحهم للأثنين مب لازم امه تتدخل في حياتهم ولازم تعرف كل صغيره

وكبيره…..هذا عيييييييييب …. هي عاشت حياتها .. واليوم دوره هو وهي ايعيشون وايديرون حياتهم

بنفسهم …ولا هو ليش اتزوج عشان امه اتشاركهم في حياتهم …..؟