انا عندي مشكله
انا متزوجه من 9 شهور والحمدلله
وماحملت للحين ولاكن اخر دوره يتني 3/11/2017 حتي هاليوم مايت واحس بغثيان وألم في جانب البطن
وسويت فحص حمل منزلي وسويت فحص دم قبل يمكن 10 ايام وماشي حمل
فشو رايكم هل يمكن يكون الفحص غير دقيق بس ما اعتقد خاصه انه فحص دم بس شو الاسباب المتوقعه لهاسبب
وشكرا
حبوبه .. انا كنت شراتج الدوره شهرين ما يتني ويوم سرت جيكت طلع عندي تكيس .. تعالجت والحين
الحمدلله حامل ..
سيري عند الدكتوره وشوفي شو بتقولج ..
لان الهرمونات تتغير..
سيري فديتج العياده وخاليسوون لج سونار وتتأكدين احسن..
ويمكن يعطونج دوفاستون لان انا عطوني فبداية الزواج..لان جي استوى وياي..
وهذا يثبت الحمل اذا كان في واذا ماكان في..بعد 10 ايام من تاخذينه وتوقفينه تنزل عليج وينظم لج الدوره..
ربي يكتبلج اللي فيه الخير ان شاء الله ويرزقج الذريه الصالحه..^_^
الله يرزقج الذريه الصااالحه
الله يرزقج الذريه الصااالحه
و ما خليت ما سويت
سونار تحاليل بس الكل كان يقول ما في حمل
لين ما رحت عند دكتوره
قالتلي يمكن حمل بس متاخر
عطتني مثبتات
و قالتلي بعد اسبوعين ارجعي
و لما رديت قالتلي
الحين بين الحمل
انتي راح دشين الشهر التالت سبحان الله و انا ما ادري
و الله يرزقج و يرزق كل محرومه