شغلي و زوجي وولدي المريض لتربية الطفل

سلام عليكم
خواتي الغاليات انا ولدي عمره 3 ونص من فتره عرفنا ان ممكن يكون فيه توحد واحس حياتي انا وزوجي انقلبت فوق تحت وصرت احس زوجي مع انه يحبه لكن ما يحب يوديه عند اهله يمكن ينحرج منه وريلي اول ما انصدم اشتكى حق كل حد بطريقه تفشل والله وريلي وايد تغير وصار كل واحد منا في جهه تماما صرت مشغوله بس بولدي اهملت كل شي ما عدا ولدي. زوجي اصلن مش من النوع المستقر وعصبي وموضوع الولد زاد الطين بله صرت ما لي صبر على زوجي اساسا من كثر تقلباته ومشاكله الي من قبل مرض ولدي وخذنا الولد عند دكتوره معروفه في علاج التوحد ايونها من كل الشرق الاوسط قالت لا مش توحد الي فيه تاخر لغه وياثر على فهمه ومع الوقت بيصير احسن اذا اجتهدتو وياه ونصحتني ادخله مركز احتياجات خاصه لمدة سنه كامله عشان يحصل تركيز وعقب ادخله اوديه مدرسه عاديه فانا كلي امل مع الوقت والرعايه تمر هاي السنه لا من شاف ولا من درا انه طفل احتياجات خاصه لان فعلا الاهل حاسين عنده مشكله بس انا ما اصرح كل حد يتخيل على كيفه
المهم الحين انا طلعت لي وظيفه وفيها التزام بالوقت وانا اريد اشتغل عشان انسي عمري وضع ولدي لاني الا يالسه اطالعه واكتئب وقبل لا تطلع لي وظيفه كنت اودي ولدي وارجعه مسافه طويله ويا الدريول بس عشان الشغالات ما يعرفن ان ولدي عنده مشكله يضربنه او يسيئن معاملته الحين صار صعب اني اوصله لان بلتزم بداوم رسمي وفي نفس الوقت ما اريد الشغالات يعرفن وين مدرسته لان بيتكلمن وبيخبرن شغالات الاهل وبيصير الولد كل حد يدري ان دش مركز توحد وبيتغير التعامل وياه سواء من الشغالات او من الاهل فمحتاره ادور حرمه بسيارتها توديه الصبح وتيبه الظهر بس وين القى حرمه ثقه وتتحمل مسولية طفل كل هذا الطريق ولا ايب شغاله له بروحه توديه وتيبه بس لازم كفاله وبتنام ويا الشغالات وبتسولف عليهن شو شافت في المركز وان ولدي المسكين معاق او غيره من التعليقات او القى اخصائيه فلبينه مب على فيزتي توديه الصبح وترجع تاخذه وعقب تقعد معاه كمن ساعه وتروح بيتها بس بعد ما بسلم انها ما بخبر باقي الشغالات

احترت خواتي ما اريد حد يعرف ان ولدي في مركز احتياجات خاصه عشان ما ياثر عليه ويصير له لقب وفي نفس الوقت اريده يروح بس بدون ما شغالاتي يعرفن وفي نفس الوقت زوجي الي حالته تتعب الصبر ذاته

انزين ليش ماتمي هالسنه من دون شغل لين مايخلص ولدج وبعدين لم يدوام في مدرسه عاديه اشتغلي "ترا هدا ولدج ولازم تتحملي عشانه والحمدالله انه فيه شي بسيط وان شاء الله بيتحسن

والله ماعرف شو اقولج اختي

فرصة العمل ما تتعوض بتخليني اوفر لولدي تعليم افضل ويمكن مدرسات في البيت اذا توفر الجانب المادي ضروري خاصه لطفل احتياجات خاصه وظروف الحياه ووضع زوجي المتقلب
الشي الثاني انا افكر اخليه تقريبا 2 سنه اقل بكم شهر هل بقدر طول هذي الفتره اوديه وايبه صعبه بعد اوقف كل شي واكتئب وياه انا قعدت سنه وشوي اوديه وارجعه ونفسيتي زفت من الحالات الي شفتهن وفي نفس الوقت عضه وعبره ان الحمدلله حالة ولدي اهون من غيره لكن نفستي وايد تتعب من وضع الاطفال اتم اهوجس واوسوس بحالة ولدي

ليش كل هالخوف من نظرة الناس وتبين كل شي بالتكتم ولد معاق وان عنده حاله تحتاج الى علاج مش عيب ولا جرم نخاف الناس تدري به
المشكلة في تفكيرج وتفكير ريلج لو غيرتي نظرتج للامور بتلاقي ان الموضوع بسيط وسهل
الحمد الله في عايلتنا وايد من الي عندهم حالات اعاقه والكل يدري والموضوع عادي لا اهم عيب ولا ذنب نستحي منه
واهليهم وين ما يروحون يشلونهم وياهم
والكل متقبلهم

صدق اختي لا تتركين الشغل لان هذا الشي راح يساعدج وااايد من التاحيه النفسيهه و الماديه و بالنسبه للثقه بهالزمن اشوفها وايد صعبه