【« شرائح اللحم بالصويا صوص »】 من مطبخي

{ بسم الله الرحمن الرحيم }

هذا اول موضوع لـي في هذا القسم وان شاء الله ما يكون الاخير ^__*

اليوم حبيت اقدم لكم طبختي اللي سويتها امسات وهي عبارة عن

شرايح لحم بالصويا صوص وهي تعتبر اكله جاينيزيه

[ المقادير ]

– كيلو شرايح لحم ( تكفي 3 إلى 4 )
– فليفله ( احمر واخضر واصفر )
– بصل وفص ثوم
– فلفل اخضر
– ملح ، فلفل اسود ، فلفل احمر حلو
– رشه من الزنجبيـل المطحون
– 3 ملاعق صويا صوص
– 2 ملعقة خل

[ الطريقة ]

1- نقص الفليفله شرائح ، والفلفل الاخضـر دوائر.

2- نغسـل اللحم ونخليه :

3- نقص البصل ونحمسه على النار في مقلايه مقعره ، وثم نضيف الثوم.

4- بعد مايتحمر البصل نضيف اللحم ، ونتركه على النار لمدة 15-20 دقيقه
ونضيف شوي ماي اذا حسيتوا ان بدا بنشف

5- بعد مانحس ان اللحم استوى ، نخلط باقي الخضار والملح وباقي البهارات
ونقلب.

6- نضيف الصويا صوص والخل

7- نتركه على نار هادية لمدة 5-10 دقايق .

وبـ جي تكون الاكله جهزت وبالهنـا والعافيــــه

ان شاء الله تعجبكم وتكون سهله

اختكم

[ عيـن الإمــارات ]

يبالناا نذوووق ^_* ,, تسلم الأياادي غاليتي [عين الامارات] وعليكم بالعافيه

عقبااال [المجاابيس] وتواابعه ,,السلطاات و[المحااشي] ,, هييه والحلويااات بعد <–لا تصفعيني [ ]

وفي انتظار [يديدجـّ] عزيزتــي