شحالكم الغاليات ؟!
كل عام وانتم بخيـــــــر ,, بمناسبـة قرب شهر رمضان المبارك و العيــد ..
وأول شي .. أذكر نفسي و أذكركم بتجهيز النفس للطاعات قبل أي شي من ملابس و غيــره ..
اللهم بلغنا رمضان وأعنا على ذكرك وشكرك وحسن عبادتك يااااااااااارب ..
اللهم وفقني ووفق أخواتي إلى طاعتك وطاعة رسولك وأعنا على الصيام والذكر والعمل على مرضاتك يارب ..
الحين نرد لموضوعنا :
واضح من عنوآنـــــــه : شو سويتي حق رمضان والعيد من ملابس ؟! شو راح تلبسين في رمضان؟
شو أفكارج حق لبس العيد ؟! وين ناوية تفصلين؟ و لا من وين بتشترين؟ و شو اللوك الي راح تلبسينه في العيد؟
تعودنا على المخور والجلابيات .. و نبي شي يديد ,, و طبعا مخي قفل شوي و محتاجة مساعدتكم لتبادل الأراء و الأفكار 
الي راح تحطي صورة .. يفضل تطمس الأجزاء المخالفة 
فديتكم خوآتـــــــي أتريآكم الغاليات 
انا بعد ابااااا افكارررر
مليت من ال شسمه مخاوير وجلاليب
و ياااليــــــت لو تذكروون الحواامل بموديل صغنن 
أول حمل لي _والحمدلله _ ووبيي عيد رمضان وأنا في السابع إن شاء الله
وأبا شي رااااااااقي وكشخة وكيوووت في نفس الوقت
ترى بعدني عروووس ما كملت سنة خخخ
وأبا أكشخ عند أهل ريلي
بس الوهقة إني حاامل وما أعرف شو آخذ وإلا شو أفصل
يلااااا شدو الهمة ورااووونا إبدااعاتكم وأفكاااركم يا حلووات 
الله يوفقنا و نحصل فــزعــة من راعيات الكشخــة ^_^
اممممممم
الي في بالي الحين .. إني أفصل فستان خفيف وسمبل حق العيد .. خاطري يكون شيفون أو حرير أو استرتج بس أبي موديل أبي قصة ؟؟!
فزعتكم خوآآآآتــــــي ؟!
المشاركة الأصلية كتبت بواسطة "زوزو1" 
خيار جميــل .. المشكلة ماعرف خياييط يسوون مغربي عندنا فالمناطق الشمالية؟؟ يعني السالفة يبالها مراكض وسيره و ردة
مشكورة الغالية ع المشاركــة
بالنسبة للعيد اغلب الاغراض قاعده اخدها هاليومين لانة بعدين الاسعار فوق وياريت تلقين شيء زين خصوصا العبايات
والله يوفق الجميع ^_^