اليوم بحطلكم طريقة السليبنج باج باساتان والدانتيل طبعا الخامات الي بتحتاجونها كالآتي
الباترون التقريبي بيكون مثل الصورة بس تقدرين تصغرينه أو تكبرينه حسب الرغبة
( ال 4 سم في الوسط بتكون عشان نثبت الدانتيل على الطرف حسب ما بتشوفين في الخطوات التالية)
نرسم على القماش من الخلف رسمة الباترون (القماش الساتان بيكون طبقتين … يعني بعد القص بتكون عندنا قطعتين)
نحدد الزوايا بأي شي دائري (أنا أستخدمت الساعة)
تحطين قطعة التورعلى قماش الساتان وتقصين الثلاث طبقات مع بعض(ساتان +ساتان + تور) لأن نريد التور بس من برع…. أما إذا حبيتي التور من الجهتين تقصين بعد طبقتين.
عقب ما نقص ونسكر الجهة اليسار على اليمين شذه بيكون الشكل
نثبت الدانتيل على الجهة الأمامية بالدبابيس( تقدرين إتغيرين طريقة تثبيت الدانتيل حسب الديزاين إلي تحبينه)
ونخيطه بالمكينة
نشل الطبقة العلوية للساتان ونحط عليها الدانتيل (نخيط الدانتيل باليد ونشد الخيط لين ما نحصل على شريط مزموم)
نرجع الطبقة العلوية من الساتان ونثبتهه بالدبابيس
في الجهة الي تركنا فيها فراغ بين الجهتين نثبت شvيط الدانتيل
نخيطه بالمكينة من الأطراف
(نترك الطرف السفلي مفتوح عشان ندخل الحشوة بعدين)
نقفل الطبقتين في الجزء الوسط على الدانتيل ونثبتها بالدبابيس عشان نخيطه من الداخل
ونثبت الخياطة بالمكينة
نقص حشوة اللباد وندخلها من الطرف السفلي الي ما خيطناه
نثبت اللحشوة الداخلية بأن نخيط على شريط الدانتيل ومن الخلف نخيط بشكل دائري على نفس الدوران إلي في الأعلى
نسكر الطرفين على بعض ونخيطهن من الداخل
نركب السحاب من على الطرف
وهذا بيكون الشكل النهائي
عينى عليج بارده
